Yohanes 12:2 - En Taar Weru a nunuwu' é Tontemboan

² Am bitu sé tou tumu'tul ing kakanen wengi i Yesus, wo si Marta sumémbong sumelewir iséra. Si Lazarus wo sé tou walina makan mewali-wali wo si Yesus.

Yohanes 12:2 ပူးပေါင်းရင်းမြစ်များ

Matius 26:6

An tutuw i Yesus am Betania, Sia tumuli am balé i Simon si sumangkumo sinakitan ing kusta.

Markus 14:3

An tutuw i Yesus am Betania, am balé i Simon si sumangkumo sinakitan ing kusta wo ang karoro'an-Na imakalukut i makan, mai ai Sia si esa wéwéné maali-ali im botel marmer pinumpunan in solo mawou manam si sosor keli em bééna. Wo wetéén i wéwéné itu eng kekelewna, wo inaamna en solo itu an do'kos i Yesus.

Lukas 12:37

Pakakamangen sé ata sa kaumaan i tuang éra ang karoro'an i mengento-ngento' sia an tutuw sia i maréngai. En ulitna icua-Ku mangé ai camu, si tuang itu tu'tulo en sumelewir sé atana itu, wo iru'du'na séra lumukut wo wéanna kanen.

Lukas 14:12

Wo icua i Yesus ka'i a si tou imenot Sia, “Kawisa mangé, sa ko méma' im pésta endo kuma'pa wengi, tioo ko menot sé kara-karapimu, sé katuarimu, sé poo-poowmu, kuma'pa sé katana'mu siya'. Ampa'paan kawisa mangé enoten éra oka ko wo in taniitu suliin éra oka ai co sapa si niéma'mu.

Lukas 22:27

Wuéien-Ku ai camu, si séi réén en lébé wangko', si tou ilumukut icuman kuma'pa si tou maselewir? Tantu si tou ilumukut icuman to? Taan Yaku ra'ica tanu siitu, an tutuw-Ku an uner iow, Yaku maselewir ai camu.

Lukas 5:29

Wo si Lewi méma' im pésta wangko' am baléna torona i Yesus. Am bitu kelian sé matagi im pajak wo sé tou walina sé mekiit icuman ang karapi i Yesus.

Wahyu 3:20

Séréno! Yaku makatulung an dior im papalen wo tuméngkor. Sa awéan tou luminga in suara-Ku wo muka' im papalen, muntep oka Aku meta'up wo isia, wo kuman mewali-wali wo isia, wo sia kuman mewali-wali wo Yaku.