Yohanes 12:17 - En Taar Weru a nunuwu' é Tontemboan

¹⁷ Kelian sé tou mewali-wali wo si Yesus an tutuw Sia tumowa si Lazarus kumesot ang kubur wo itumou sumawel sia an uner é tou imaté, ipengua-ngua éra a sé tou walina sapa e imamuali a si Lazarus.

Yohanes 12:17 ပူးပေါင်းရင်းမြစ်များ

Yohanes 1:19

Si anioo eng kasairian i Yohanes an tutuw sé kikiiten é tou Yahudi an Yerusalem rumu'du' piraan imam wo tou Lewi mangé mamuéi in tana'i a si Yohanes, “Si séi réén ko?”

Yohanes 1:32

Sisil ka'i i Yohanes sapa sé sinérénao in esa wo icuana, “Sinéréku e Roh i Amang Kasuruan tanuoka mombo tumumpa mai an langit owo wo tumeka' am bawo-Na.

Yohanes 1:34

Sinérékuo in esa, anaé yaku méé ing kasairian sapaoka Siao si Toyaang i Amang Kasuruan.”

Yohanes 11:31

An tutuw é tou Yahudi sé ang karoro'an i maibor si Maria am balé itu, isuméré sia makala'us tumulung wo mario-rior kumesot. Pawasan éra sia maangé ang kubur e maamé' a mangé mbitu, anaé kiniit éra mangé sia.

Yohanes 11:42

Kailekan-Ku pelinga-lingan i Amang en sombayang-Ku. Taan intarépé' icua-Ku tanu siitu ampa'paan keli sé tou makali'cir Yaku makalinga in sombayang-Ku. Icasalé'-Ku ro'na percayan éra sapaoka si Amango e mutusai Yaku.”

Yohanes 12:9

Kelian ulit sé tou Yahudi luminga sa si Yesus am Betaniao, ampa'paan in ituo séra mangé am bitu en suméré si Yesus. Wo icasalé' éra ka'i suméré si Lazarus, si tinou sumawel i Yesus an uner é tou imaté.

Yohanes 19:35

Si tou en suméré ing kamamualian itu in esa, en icumua sapa en sinerénao, wo sé ipakuana itu wutul. Wo kailekanna sapaoka sia makua im butul wosama' percayaan iow.

Yohanes 21:24

Si murit ituo si méé ing kasairian wo imatic andumoro' im pakasa in anio'. Wo kailekanta sapaoka eng kasairianna itu wutul.

Kisah Para Rasul 1:22

tumo'tolai an tutuw i Yesus nibaptis i Yohanes akar Sia icaangkai angé an sorga tumela'u icita. Si tou itu musti mengasairi mewali-wali wo icita sapaoka si Yesus itumou sumawel asi papaté.”

Kisah Para Rasul 5:32

Wo icamio e mamuali sairi andumoro' waya in itu, wo ka'i e Roh Le'nas si aiwéé i Amang Kasuruan a sé pakasa en tou sé le'tek ai Sia.”

Wahyu 1:2

Wo si Yohanes méé ka'i ing kasairian andumoro' im pakasa sé sinéréna, siituo sé andumoro' in Taar i Amang Kasuruan wo ka'i sé andumoro' ing kasairian i Yesus Kristus.