Yohanes 12:13 - En Taar Weru a nunuwu' é Tontemboan

¹³ Séra mindo in lala-lalaina im palem, wo mangé sumungkul si Yesus ang karapi in suara taangko', “Hosana! Irayoo Sia si mai ang karapi i ngaran i Amang Kasuruan. Irayoo si Colano é Israel!”

Yohanes 12:13 ပူးပေါင်းရင်းမြစ်များ

Matius 23:39

Icua-Ku ai camu, tumo'tol asi oras anio' Yaku ra'io kaséréan iow. Sérén iow oka Aku, an oras-Ku maai sumawel, wo icua miow, ‘Irayoo mangé Sia si mai ang karapi ngaran i Amang Kasuruan.’ ”

Matius 27:42

“Tou walina ro'na lowiren-Na taan en owak-Na in esa ra'ica kalowiran-Na! Sa Sia Kolano é tou Israel, tantu Sia tumumpao mai asi salip itu, wo in taniitu ro'na percayan ami Sia.

Yohanes 1:49

Icua i Natanael a si Yesus, “Guru, Ico Toyaang i Amang Kasuruan, Ico Kolano é tou Israel!”

Yohanes 12:14

Wo si Yesus makéré esa keledai wo'bas, wo Sia lumukut am bawo i celedai itu, tanu si aipatic ang Kitap Le'nas:

Yohanes 12:15

“Tioo maindé', éi tou Yerusalem, séréno, si Colano miow ang karoro'ano maai wo makalukut am bawo i celedai wo'bas.”

Yohanes 19:15

Wo séra mengangko-ngangko' wo makua, “Paténo Sia! Paténo Sia! Salipo Sia!” Wo icua i Pilatus ai séra, “Musti réén isalipku si colano miow?” Isowat é kikiiten é imam, “Si colano ami wayake' si Kaisar!”

Wahyu 15:3

Séra makantar ing kakantaren i Musa si ata i Amang Kasuruan wo kakantaren i Toyaang i Domba. Eng kakantaren itu tana'i, “O Amang Kasuruan Si Makakawasa, uli-ulit wangko' wo kakaya'kaan pakasa sé niéma'-Mu! O Kolano pakasa im bangsa. Pakasa sé niéma'-Mu uli-ulit ra'ica marapit wo wutul.

Wahyu 19:16

An juba-Na wo am parangkéi-Na pinatican esa ngaran tana'i, “Kolano im pakasa é kolano wo Kasuruan im pakasa é kasuruan.”

Wahyu 7:9

Kekawus in itu, sérénku ka'i sangareru' tou sé ra'io karékénan eng kakelina. Séra itu asé im pakasa im bangsa, in suku, i negara, wo i nunuwu'. Séra makatulung an dior im palukutan pasiri-siriin wo an dior i Toyaang i Domba itu. Séra mekarai ing kulo' wo eng kama éra makatimboi in lala-lalaina im palem.