Yohanes 12:1 - En Taar Weru a nunuwu' é Tontemboan

¹ Enemé' ngando ka'i en témpona in endo wangko' Paska, si Yesus icateka'o an doong Betania am paento'an i Lazarus si tou tinou sumawel i Yesus am papaté.

Yohanes 12:1 ပူးပေါင်းရင်းမြစ်များ

Matius 21:17

Kumawus in itu, itela'u-Na séra. Sia kumesot in Yerusalem mangé an doong Betania wo Sia mento' sanga wengi am bitu.

Markus 11:11

Icateka' mangé an Yerusalem, Sia muntep am Balé Le'nas. Am bitu Sia menéré-néré sapa waya sé am Balé Le'nas. Taan ampa'paan i mekeremo, Sia kumesot wo mangé am Betania mewali-wali wo sé sangapulu' rua murit-Na.

Lukas 24:50

Wo iwali i Yesus sé murit-Na mangé ang kesot ing kota matawio in doong Betania. Asi tampa itu Sia mangkai ing kama-Na wo kumamang iséra.

Lukas 7:37

Ang kota itu awéan esa wéwéné si kailekano é tou, sia menonou ang kamesé-meséaan. An tutuw sia luminga sapaoka si Yesus ang karoro'an makan am balé i tou Farisi itu wo sia makala'us mai am bitu maali-ali im botel teké' niéma' am batu pualam pinumpunan in solo mawou manam.

Yohanes 11:1

Awéan esa tou makangaran Lazarus, sia sumakit. Sia maento' an doong Betania mewali-wali wo sé poo-poowna wéwéné si Maria wo si Marta.

Yohanes 11:43

Kekawus ako Sia kumua in taniitu, Sia rumoma' in taangko', “Lazarus, kumesoto mai!”

Yohanes 11:44

Wo si Lazarus si matéo itu kumesotai ang kubur itu. Eng kama wo eng kécéina pakawe'berené' ing kaéng kafan, wo en amona pakatutuwen ing kaéng limuut. Icua i Yesus ai séra, “Wukaano eng kaéng kafan itu wosama' sia ro'na maya'.”

Yohanes 11:55

An tutuw itu matawio en endo wangko' Paska é tou Yahudi, keli tou Yahudi an tampa-tampa walina owo mangé an Yerusalem. Piraanné' ngando, ra'ipé' tumo'tol em pésta Paska séra imayo an Yerusalem eng kumiit in atoran agama e meresi in owak.

Yohanes 12:12

Asi woondona mai, kelian tou en luminga sapaoka si Yesus am bawayaano i maai an Yerusalem. An tutuw itu séra imali'uso am bitu ampa'paan matawio en endo wangko' Paska.

Yohanes 12:20

An uner é tou Yahudi sé imangé an Yerusalem en tuma'néi in endo wangko' Paska, awéan ka'i piraan tou Yunani.

Yohanes 12:9

Kelian ulit sé tou Yahudi luminga sa si Yesus am Betaniao, ampa'paan in ituo séra mangé am bitu en suméré si Yesus. Wo icasalé' éra ka'i suméré si Lazarus, si tinou sumawel i Yesus an uner é tou imaté.