Yohanes 11:8 - En Taar Weru a nunuwu' é Tontemboan

⁸ Taan icua éra ai Sia, “Guru, ra'ipé' uré sé tou Yahudi mangepé' mangkil im batu a si Guru. Masalé'pé' réén si Guru mangé sumawel am bitu?”

Yohanes 11:8 ပူးပေါင်းရင်းမြစ်များ

Matius 23:7

Séra masalé' pasiri-siriin é tou am pasar wo masalé' ka'i patuulen é tou ‘guru’.

Matius 23:8

Taan kamu, tioo masalé' im patuulen éra ‘guru’! Ampa'paan si Guru miow wayake' in esa wo icamu im baya mepoow.

Yohanes 10:31

An tutuw é tou Yahudi luminga si Yesus icumua in taniitu, séra mitong ka'i watu em basa éra mangkil woo Sia.

Yohanes 10:39

Kekawus i Yesus kumua in taniitu, séra rumaméji ka'i en tumangka' Sia, taan Sia aicaséipke' en tangkaan éra.

Yohanes 11:19

Anaé, keli sé tou Yahudi an Yerusalem owo mai a si Marta wo si Maria e mibor iséra in dua ampa'paan si Lazarus poow éra tuama imatéo.

Yohanes 4:31

Ang karoro'an in itu, uwasen é murit-Na Sia eng kuman wo icua éra, “Mayoo kuman é Guru.”

Yohanes 8:59

An tutuw é tou Yahudi luminga en aicua i Yesus itu, séra mitong watu e mangkil Sia, taan si Yesus ra'io ka'i kaséréanai wo itela'u-Na em Balé Le'nas.

Kisah Para Rasul 20:24

Taan ra'io pandungenku eng katouanku, asalo ro'na lekepenku en tawoien si aiwéé i Apo' Yesus a yaku eng kumua in Abar Kaaruien andumoro' in upus aitambér i Amang Kasuruan a sé cita in tou.