Yohanes 11:55 - En Taar Weru a nunuwu' é Tontemboan

⁵⁵ An tutuw itu matawio en endo wangko' Paska é tou Yahudi, keli tou Yahudi an tampa-tampa walina owo mangé an Yerusalem. Piraanné' ngando, ra'ipé' tumo'tol em pésta Paska séra imayo an Yerusalem eng kumiit in atoran agama e meresi in owak.

Yohanes 11:55 ပူးပေါင်းရင်းမြစ်များ

Matius 26:1

Kekawus i Yesus sumusui waya in itu, icua-Na a sé murit-Na,

Matius 26:2

“Kailekan iow, en endo wangko' Paska waya oka i rua ngando wo si Toyaang i Tou isarakan oka in salipen.”

Markus 14:1

Rua ngandopé' sé tou Yahudi méma' in endo wangko' Paska wo in endo wangko' Roti Ra'ica Rinagian. Sé kikiiten é imam wo sé makailek wutul in Torat maéré-éré lalan en tumangka' si Yesus ang karapi i maene-enep e maté Sia.

Lukas 22:1

En endo wangko' Roti Ra'ica Rinagian si patuulen ka'i Paska, makatawio.

Yohanes 12:1

Enemé' ngando ka'i en témpona in endo wangko' Paska, si Yesus icateka'o an doong Betania am paento'an i Lazarus si tou tinou sumawel i Yesus am papaté.

Yohanes 13:1

Matawio en endo wangko' Paska wo kailekano i Yesus ra'io uré ka'i tela'u-Na eng kayo'baan anio' e maréng angé sumawel a si Amang-Na. Ipaupu-upus-Na keli sé tou sé imamualio anu-Na ang kayo'baan anio', wo icaupus-Na séra akar ing kaakaran ing katouan-Na.

Yohanes 18:28

Asi Woondona mai imamoondopé' keli, iwali éra si Yesus am balé owo i Kayafas, wo mangé an istana i gubernur Romawi. Taan sé kikiiten é tou Yahudi itu ra'ica mekiit muntep an untep in istana itu ampa'paan paweroten é tou Yahudi najis em balé é tou ra'ica Yahudi. Ra'ica kiim éra numajis in owak éra, ampa'paan asi endo itu séra musti kuman ing kakanen Paska.

Yohanes 2:13

An tutuw i matawio en endo wangko' Paska é tou, si Yesus mangé an Yerusalem.

Yohanes 2:6

Am bitu awéan enem tampayang papumpunan in dano sé ipatu'tul ing kaperluan pengawu'as iciit ing kanaramen é tou Yahudi. Esa wo i esa tampayang itu papumpunan in dano wona' sangaatus liter.

Yohanes 5:1

Kumawus in itu, si Yesus mangé an Yerusalem, ampa'paan en endo wangko' é tou Yahudi ra'io ka'i uré.

Yohanes 6:4

An tutuw itu matawio in endo wangko' Paska é tou Yahudi.

Kisah Para Rasul 21:24

Walimu mangé séra wo émaano mangé eng kanaramen meresi in owak, ico mewali-wali wo iséra. Wérano en ongkos i mapala'ngas im buuk éra. Wo in taniitu, pakasa en tou ro'na makailek sapaoka pakasa en abar sé pinalinga éra andumoro' ico, ra'ica wutul, ampa'paan ico in esa kumiit in ukum Torat.

Kisah Para Rasul 21:26

Anaé, woondona mai, iwali i Paulus sé epat tou itu mewali-wali wo isia. Kiitenna eng kanaramen e meresi in owak, sia wo iséra. Wo sia muntep am Balé Le'nas eng kumua sa kawisa kumawus eng kanaramen meresi in owak itu. Wo sa kumawuso en témpona, séra im baya méé oka raragésan a si Casuruan.

Kisah Para Rasul 24:18

Ang karoro'anku maéma' waya in itu am Balé Le'nas wo mai sé piraan tou Yahudi an Asia owo, kekawus ako itu yaku iméma' ing kanaramen meresi in owak. Am bitu ra'ica keli en tou wo yaku ka'i ra'ica iméma' ing kalicokoan.

1 Korintus 11:28

Ampa'paan in ituo si esa wo si esa tou musti muji owo in owakna wo kekawus in itu sia ro'nao kuman i roti wo melep in anggor.

Yakobus 4:8

Rumaméjio mangé rumuru a si Amang Kasuruan, wo kamu rurun-Na oka mai. Wu'asanno mio' eng kama miow, éi kamu sé tou iméma' ing kamesé-meséaan! Le'naseno mangé en até miow, éi kamu sé marua-rua até.