Yohanes 11:48 - En Taar Weru a nunuwu' é Tontemboan

⁴⁸ Sa iwayata Sia mengéma-ngéma' in taniitu, pakasa en tou mercaya oka Sia. Wo sé tou Roma maai oka tumongkar im Balé Le'nasta wo kita tou Yahudi pakapaté-patén.”

Yohanes 11:48 ပူးပေါင်းရင်းမြစ်များ

Matius 22:7

Si colano itu mae'bow keli, wo iru'du'na sé surarona mangé maté sé tou sé maté sé atana itu, wo luma'ung ing kota éra.

Matius 22:9

Ampa'paano in itu mangéo kamu am paepa-epatan in lalan, wo enoteno mai waya sé tou ipeta'up iow a mangé mbitu e mai am pésta anio'.’

Matius 24:15

“Anaé, sa sérén iow si esa tou luméwo-léwo' makatulung asi tampa le'nas, tanu in aipatico i nabi Daniel. [Si séi e maca in anio' wéanio' rékén sumama-sama'! ]

Matius 27:25

Wo isowat é tou keli itu, “Mandéo icami wo sé toyaang ami e mamuléng andumoro' im papaté i Tou anio'.”

Lukas 11:52

Icawangkuro mio' kamu sé makailek wutul in Torat! Kailekan iow tumambisa kumiit ing kasalé'an i Amang Kasuruan, taan kamu in esa ra'ica maéma' taniitu. Taan pakalaan iowke' taré sé tou walina sé masalé' kumiit ing kasalé'an i Amang Kasuruan. En itu meputé kamu makakuluo ing kukusi' im papalen taan ipakaéma'ke' miow akar sé tou ra'ica icauntep.”

Lukas 8:12

En lulumbo irumongkor an tembir in lalan itu, ayandé sé tou ilumingao in Taar i Amang Kasuruan. Taan kekawus éra iluminga in Taar itu wo mai si kikiiten é sétang rumombit in Taar itu an até éra wosama' séra ra'ica maéman wo ra'ica malowir.

Yohanes 1:7

Sia mai eng kumua andumoro' in sendot itu a sé im pakasa é tou wosama' lingan éra eng kasairianna wo mercaya in sendot itu.

Kisah Para Rasul 5:28

“Repeto eng kepéro ami ai camu wosama' kamu ra'io toro masusui andumoro' i Tou itu. Taan aiseraro miow en sususuien am pakasa in tampa an Yerusalem. Wo ka'i tinudu miow sapaoka, ampa'paano icami si Tou itu maté.”