Yohanes 11:47 - En Taar Weru a nunuwu' é Tontemboan

⁴⁷ Ampa'paan in itu, sé kikiiten é imam wo sé tou Farisi tumowa sé Mahkamah Agama mali'us e mepaar, “Sapa réén e musti émaanta? Ampa'paan, si Tou itu méma'o ing keli kakaya'kaan.

Yohanes 11:47 ပူးပေါင်းရင်းမြစ်များ

Matius 26:3

Asi témpo itu, sé kikiiten é imam wo sé matu'a é tou Yahudi mali'us am balé paento'an i imam wangko' makangaran Kayafas.

Matius 5:22

Taan icua-Ku ai camu, si séi si mae'bow a si poowna musti ukumen. Wo si séi e mengawa'ba' si poowna, musti isaru' an dior é Mahkamah Agama. Wo si séi ka'i e makua si poowna bodok, sia patus itiya' an api ra'ica mape'de-pe'del.

Markus 14:1

Rua ngandopé' sé tou Yahudi méma' in endo wangko' Paska wo in endo wangko' Roti Ra'ica Rinagian. Sé kikiiten é imam wo sé makailek wutul in Torat maéré-éré lalan en tumangka' si Yesus ang karapi i maene-enep e maté Sia.

Lukas 22:2

Sé kikiiten é imam wo sé makailek wutul in Torat maéré-éré lalan tumambisa e maté si Yesus, ampa'paan séra maindé' a sé tou keli.

Yohanes 11:57

Séra mengkung-kuanan taniitu, ampa'paan sé kikiiten é imam wo sé tou Farisi imééo perénta sa awéan tou e makailek am bisa si Yesus, mai cua ai séra wosama' Sia ro'na tangkaan éra.

Yohanes 12:19

Wo sé tou Farisi mengkuanan si esa wo sé walina, “Kita ra'ica toro méma' sapa-sapa! Sérén, icumelio sé tou mengakiit Sia.”

Yohanes 2:11

Niéma' i Yesus eng kakaya'kaan-Na kataré itu ang Kana an sangkum ing Galilea. Am bitu aituru'-Na eng kawangko'-Na, ampa'paan in ituo sé murit-Na mercaya ai Sia.

Yohanes 6:2

Am bisa-wisake' en angéan-Na keli sé tou mengi-ngiit Sia, ampa'paan sinéréo éra eng kakaya'kaan sé niéma'-Na a sé tou sumakit akar séra imasama'o.

Yohanes 7:32

Kalingaan é tou Farisi, keli tou mengkeng-kewitan andumoro' si Yesus. Ampa'paan in ituo, iru'du' é kikiiten é imam wo sé tou Farisi sé matéir am Balé Le'nas en tumangka' si Yesus.

Yohanes 7:45

Wo sé mengatéir im Balé Le'nas mangé ka'i sumawel a sé kikiiten é imam wo a sé tou Farisi sé rumu'du'o iséra en tumangka si Yesus. Wo sé kikiiten é imam wo sé tou Farisi kumua ai séra, “Kéitu réén Sia ra'ica iwali miow maai am bia'i?”

Kisah Para Rasul 5:21

Matawi i mando, sé ruru'du'an itu muntep ang kintal im Balé Le'nas wo tumo'tolo masusui am bitu. Asi témpo itu ka'i an tampa walina si imam wangko' wo sé tou mengakiit sia rumu'du' sé anggota Mahkamah Agama e mali'us. Séra ituo sé matu'a é tou Yahudi sé mengasina'u. Iru'du' éra mangé mindo sé ruru'du'an itu am bui.

Kisah Para Rasul 5:24

Kelinga in itu, si capala matéir im Balé Le'nas wo sé kikiiten é imam mabingo-bingo oka andumoro' in itu wo séra membum-buéian wo maindé' sapa wona' e mamuali sa.