Yohanes 11:44 - En Taar Weru a nunuwu' é Tontemboan

⁴⁴ Wo si Lazarus si matéo itu kumesotai ang kubur itu. Eng kama wo eng kécéina pakawe'berené' ing kaéng kafan, wo en amona pakatutuwen ing kaéng limuut. Icua i Yesus ai séra, “Wukaano eng kaéng kafan itu wosama' sia ro'na maya'.”

Yohanes 11:44 ပူးပေါင်းရင်းမြစ်များ

Markus 5:43

Wo wutu-wutul pinéro i Yesus séra, wosama' ra'ica isisil éra eng kamamualian itu a sé tou walina. Kekawus in itu ru'du'-Na séra e méé kanen a si toyaang itu.

Lukas 19:20

Mai ka'i si ata walina wo kumua, ‘Tuang, nio' en doit mina i tuang, sinaputku in lénso wo ayéma'ku sumama-sama'.

Lukas 7:15

Si mangalitou imatéo itu tumoor wo sia lumukut wo tumo'tolo maroma'. Wo iwali mangé i Yesus si mangalitou itu a si inangna.

Yohanes 10:30

Yaku wo si Amang-Ku esa.”

Yohanes 11:39

Wo icua i Yesus, “Angkaieno mio' si watu itu!” Taan si Marta poow i tou matéo kumua, “Tioo é Tuang, epato ngando sia imaté, anaé mawouwo.”

Yohanes 11:43

Kekawus ako Sia kumua in taniitu, Sia rumoma' in taangko', “Lazarus, kumesoto mai!”

Yohanes 19:40

Wo indon éra e mayat i Yesus, wo saputen éra ing kaéng lénen wo kisun éra in solo mawou manam itu, ciit ing kanaramen é tou Yahudi mengakubur i mayat.

Yohanes 20:5

Sia asalo icumuru wo suméré in an untep ing kubur itu wo sérénna eng kaéng lénen an tana'o. Taan sia ra'ica imuntep an untep.

Yohanes 20:7

wo eng kaéng si aisaput an do'kos i Yesus ra'io an tembir ing kaéng lénen itu, taan linepeto wo aicaérao an tampa walina.

Yohanes 5:21

Si Amang tumou sumawel sé tou imaté wo émaan-Na séra menonou akar ing kauré-uré. Taniitu ka'i Aku Toyaang-Na, si séike' en icasalé'-Ku, émaan-Ku oka sia menonou akar ing kauré-uré.

Yohanes 5:25

En ulitna icua-Ku mangé ai camu, awéan oka en témpona wo an témponao, sapaoka sé imatéo, luminga oka in suara i Toyaang i Amang Kasuruan, siituo en suara-Ku. Wo sé tou luminga in suara-Ku menonou oka.

Filipi 3:21

An tutuw Sia maai, roban-Na oka en owakta si ra'ica keter wo si ro'na materi anio', mamuali tanu in owak-Na si parayo-rayo wo pasiri-siriin. Sia ro'na méma' in itu ampa'paan Sia makaanu ing kawasa si makawoo méma' im baya-waya kumuru ai Sia.

Wahyu 1:18

wo Si Menonou. Yaku si matéo, taan intarépé' séréno Aku menonou, wo Aku menonou akar ing kauré-uré. Pakakulun-Ku eng kukusi' im papaté wo eng kakolanoan im papaté.