Yohanes 11:41 - En Taar Weru a nunuwu' é Tontemboan

⁴¹ Wo angkaien éra em batu itu. Wo si Yesus kumanat angé wo kumua, “Amang, Yaku kumua makapulu'sama' a si Amang, ampa'paan liningao i Amang en sombayang-Ku.

Yohanes 11:41 ပူးပေါင်းရင်းမြစ်များ

Matius 11:25

An tutuw itu si Yesus sumombayang, “O Amang Kasuruan si makakawasa in langit wo ing kayo'baan! Yaku kumua i makapulu'sama' ampa'paan ra'ica aituru' i Amang pakasa sé andumoro' in itu a sé tou sé mengapaké ing kapinteran wo a sé tou pandéi, taan aituru' i Amang a sé tou en aténa tanu toyaangé' teké'.

Matius 11:26

O Amang, siituo e iméma' in até i Amang arui.”

Matius 27:60

Wo mangéna icubur e mayat i Yesus am bo'bok si aiwu'bu' asi tolaina wawatuan. Eng kubur itu anu i Yusuf wo pakaémaané'. Wo wiléina esa watu wangker em pénet ing kubur itu, wo tela'una en tampa itu.

Markus 15:46

Wo si Yusuf mangé tumeles kaéng lénen ipengasaput sé tou imaté, wo mangéna tumpa e mayat i Yesus an salip. Wo saputenna ing kaéng lénen itu e mayat i Yesus, wo mangéna icubur an esa wo'bok si aica'il an esa kuntung watu. Kekawus ako in itu, iwiléina esa watu wangker em pénet im bo'bok itu.

Lukas 10:21

Asi témpo itu si Yesus winuta i Roh Le'nas wo en até-Na maaru-arui. Wo icua-Na, “O Amang Kasuruan si Makakawasa in tana' wo en langit, Yaku kumua i makapulu'sama' ampa'paan ra'ica aituru' i Amang pakasa sé andumoro' in itu a sé tou sé maanggap in owak éra pinter wo makailek im baya-waya. Taan aituru' i Amang andumoro' in itu a sé tou wawa'. Wo siituo e iméma' in até i Amang arui.

Lukas 18:13

Taan si mengasaap im pajak itu tumulung angé an tayang wo maindé'ke' kumanat angé an langit. Taan sia menepé-nepé'ke' taré in da'dakna wo kumua: ‘O Amang Kasuruan, icaupusai aku anio' si tou ang kamesé-meséaan.’

Lukas 24:2

Icateka' mangé ang kubur itu, sérén éra em batu aipénet ing kubur itu miléio.

Yohanes 11:22

Taan kailekankuo, asi oras anio'ke', sapa em pangileken-Mu a si Amang Kasuruan iwéé-Na oka mai.”

Yohanes 17:1

Kekawusai i Yesus kumua im pakasa in itu, Sia kumanat angé an langit wo sumombayang, “O Amang, an témponao! Irayoo wo siriino mai si Toyaang-Mu, wo in taniitu si Toyaang-Mu ka'i ro'na rumayo wo sumiri' Si Amang.

Yohanes 20:1

Asi endo kataré asi duminggu itu, imamoondopé' keli wo ruméimbengé', si Maria Magdalena mangé ang kinuburan i Yesus. Séréna em batu aipénet ang kubur itu miléio.

Kisah Para Rasul 7:55

Taan si Stefanus si kinawasao i Roh Le'nas, kumanat angé an langit wo kaséréanna eng kawangko' i Amang Kasuruan wo si Yesus makatulung ang kakan-Na.

Filipi 4:6

Tioo maindé-indé' andumoro' in sapa-sapake' mangé, taan icuao mangé eng kasalé'anmu an sombayangmu a si Amang Kasuruan am pakasa ing kaadaan wo mekiupus ang karapi ing kumua makapulu'sama' ai Sia.