Yohanes 11:38 - En Taar Weru a nunuwu' é Tontemboan

³⁸ En até i Yesus mawendu keli, wo Sia mangé ang kubur i Lazarus. Eng kubur itu esa wo'bok si pinénet im batu wangker.

Yohanes 11:38 ပူးပေါင်းရင်းမြစ်များ

Matius 27:60

Wo mangéna icubur e mayat i Yesus am bo'bok si aiwu'bu' asi tolaina wawatuan. Eng kubur itu anu i Yusuf wo pakaémaané'. Wo wiléina esa watu wangker em pénet ing kubur itu, wo tela'una en tampa itu.

Matius 27:66

Wo séra mewali-wali wo sé suraro mangé ang kubur itu. Wéan éra ségél em batu aipénet ing kubur itu, wo ipapatéir éra a sé suraro.

Markus 15:46

Wo si Yusuf mangé tumeles kaéng lénen ipengasaput sé tou imaté, wo mangéna tumpa e mayat i Yesus an salip. Wo saputenna ing kaéng lénen itu e mayat i Yesus, wo mangéna icubur an esa wo'bok si aica'il an esa kuntung watu. Kekawus ako in itu, iwiléina esa watu wangker em pénet im bo'bok itu.

Markus 8:12

Kelinga in itu, en até-Na matapé wo kumua, “Kéitu réén sé tou intarépé' anio' mangilek tuus? En ulitna icua-Ku mangé ai camu, sé tou anio' ra'ica kawisa wéan-Ku tuus.”

Lukas 24:2

Icateka' mangé ang kubur itu, sérén éra em batu aipénet ing kubur itu miléio.

Yohanes 11:33

An tutuw sérén i Yesus si Maria maamé' wo ka'i sé tou Yahudi sé mai mewali-wali wo isia maamé', en até i Yesus masusa wo wendu keli,

Yohanes 20:1

Asi endo kataré asi duminggu itu, imamoondopé' keli wo ruméimbengé', si Maria Magdalena mangé ang kinuburan i Yesus. Séréna em batu aipénet ang kubur itu miléio.