Yohanes 11:33 - En Taar Weru a nunuwu' é Tontemboan

³³ An tutuw sérén i Yesus si Maria maamé' wo ka'i sé tou Yahudi sé mai mewali-wali wo isia maamé', en até i Yesus masusa wo wendu keli,

Yohanes 11:33 ပူးပေါင်းရင်းမြစ်များ

Markus 3:5

Téintengen-Na séra im baya sé an li'cir-Na ang karapi in e'bow. Sia matapé ampa'paan séra keté até. Wo icua-Na a si tou itu, “Yuluro mai eng kamamu.” Wo yulurna eng kamana wo asi témpo ituke' imasama'o eng kamana.

Markus 9:19

Wo icua i Yesus ai séra, “Éi camu sé tou ra'ica maéman, akar kawisa réén Aku musti mento' an uner iow? Wo akar kawisa réén Aku talesen ang karapi miow? Iwalio mai si toyaang itu am bia'i!”

Yohanes 11:19

Anaé, keli sé tou Yahudi an Yerusalem owo mai a si Marta wo si Maria e mibor iséra in dua ampa'paan si Lazarus poow éra tuama imatéo.

Yohanes 11:31

An tutuw é tou Yahudi sé ang karoro'an i maibor si Maria am balé itu, isuméré sia makala'us tumulung wo mario-rior kumesot. Pawasan éra sia maangé ang kubur e maamé' a mangé mbitu, anaé kiniit éra mangé sia.

Yohanes 11:34

wo wuéien-Na ai séra, “Am bisa réén eng kinuburan iow si Lazarus?” Isowat éra a si Yesus, “Tuang, mayoo wo sérénta.”

Yohanes 11:35

Wo si Yesus maamé'.

Yohanes 11:38

En até i Yesus mawendu keli, wo Sia mangé ang kubur i Lazarus. Eng kubur itu esa wo'bok si pinénet im batu wangker.

Yohanes 12:27

Icua ka'i i Yesus, “Wendu keli Aku. Ra'io kailekan-Ku sapa si musti icua-Ku. O Amang, tawangenai wo émaano mai Aku ra'ica mendam in oras ing kasusaan anio'. Taan Aku ra'ica toro mekiupus tanu siitu, ampa'paano i mendam ing kawenduan anio' Aku mai ang kayo'baan anio'.

Yohanes 13:21

Kekawus i Yesus icumua in taniitu, en até-Na masusa keli, wo icua-Na, “En ulitna icua-Ku mangé ai camu, awéan esaan angé tou ai camu en sumarakan oka Yaku a sé kaséké'-Ku.”

Roma 12:15

Maaru-aruio mangé mewali-wali wo sé tou maaru-arui, wo maamé'o mangé mewali-wali wo sé tou maamé'!

Ibrani 4:15

Ampa'paan si Imam Wangko'ta itu ra'ica imam wangko' sé ra'ica ro'na kumiit mendam ing kalembianta. Ampa'paan sinangkum-Nao mai waya em pangepé'an an tutuw Sia ang kayo'baan, meputé sé pasangkumenta intarépé'. Taan Sia ra'ica kawisa mako méma' ing kamesé-meséaan.