Yohanes 11:28 - En Taar Weru a nunuwu' é Tontemboan

²⁸ Kumawus ako i Marta kumua in taniitu a si Yesus, sia maréng angé sumawel am baléna en tumowa si poowna Maria wo icewitna ai sia, “Si Guru am biao, patowan-Na ko.”

Yohanes 11:28 ပူးပေါင်းရင်းမြစ်များ

Matius 26:18

Wo isowat-Na, “Mangém ang kota Yerusalem, ipeta'up oka miow si esa tuama wo icua mio' en taar-Ku ai sia, ‘En oras i Guru makatawio, Sia masalé' kuman mewali-wali wo sé murit-Na am balému en tuma'néi in endo wangko' Paska.’ ”

Markus 10:49

Kekawus in itu si Yesus mento' wo kumua, “Towano mai sia!” Ampa'paan in ituo towan éra si tou wola itu wo kumua ai sia, “Kete-keteren en atému, tumulungo mai, patowan i Yesus ko.”

Markus 14:14

Wo am balé si niuntepanna icuao mio' a si makawalé itu, ‘Aitaar i Guru, am bisa réén eng kanan i Guru mewali-wali wo sé murit-Na asi endo wangko' Paska?’

Lukas 22:11

Wo icuao mio' asi makawalé itu, ‘Winuéi i Guru, am bisa réén en tampa i Guru kuman mewali-wali wo sé murit-Na asi endo wangko' Paska?’

Yohanes 1:41

Wo si Andreas mangé meta'up wo si Simon tuarina, wo icuana ai sia, “Aipeta'upo ami si Mesias.” (Mesias meputé wo si Kristus, eng kaangéanna Kolano Lumolowir).

Yohanes 1:45

Wo si Filipus mangé meta'up wo si Natanael, icuana ai sia, “Aipeta'upo ami Sia si aicua i Musa ang kitap Torat, wo si pakua é nabi. Siao si Yesus a Nazaret owo toyaang i Yusuf.”

Yohanes 10:3

Si matéir im papalen muka' im papalen torona i gembala itu, wo towan i gembala itu sé dombana kumiit i ngaran i esa wo i esa, sia pengalingan éra. Wo akinen i gembala itu séra kumesot.

Yohanes 11:20

An tutuw i Marta luminga si Yesus ang karoro'an imaai, mangéna sungkulen Sia an lalan. Taan si Maria mento'ke' am balé.

Yohanes 11:29

An tutuw i Maria luminga en aicewitna itu, sia makala'us tumulung wo mangé a si Yesus.

Yohanes 11:30

An tutuw itu, si Yesus ra'ipé' icateka' asi roong itu. Sia an lalané' am pineta'upan i Marta wo Sia.

Yohanes 13:13

Pengatowan iow Aku ‘Guru’ wo ‘Tuang’, si patowa miow itu wutul ampa'paan Yakuo si Guru wo Tuang.

Yohanes 20:16

Wo icua i Yesus ai sia, “Maria!” Wo si Maria ka'i maréng in somoi wo rumoma' a nunuwu' Ibrani, “Rabuni!”, eng kaangéanna, ‘Guru’.

Yohanes 21:7

Wo si murit si caupus i Yesus, kumua a si Petrus, “Siao si Tuang!” Kelinga i Petrus Sia itu si Tuang, sia kumarai ampa'paan sia meke'da', wo sia lumo'tic kuméngkéng angé an tembir in lour.

1 Tesalonika 5:11

Ampa'paan in ituo, mensin-sina'uano mangé kamu wo sé tou walina wo mengkeng-keterano mangé in até an esa paémanen, kaputé im pengaémaan iow akar intarépé'.

Ibrani 12:12

Ampa'paan in ituo, ketereno mangé eng kama sé lembi wo eng kundu sé mage'ger.