Yohanes 11:26 - En Taar Weru a nunuwu' é Tontemboan

²⁶ Wo sé tou menonou meesa wo Yaku wo maéman a Yaku, ra'io maté akar ing kauré-uré. Ra'ica réén percayanmu si aicua-Ku itu?”

Yohanes 11:26 ပူးပေါင်းရင်းမြစ်များ

Matius 26:53

Kuma'pa werotenmu réén Aku ra'ica makawoo mekiupus a si Amang-Ku wosama' iru'du'-Na sé malaékat-Na ilumébémai asé sangapulu' rua ngareru' suraro é malaékat e mai tumawang Yaku?

Matius 9:28

An tutuw i Yesus muntep an esa walé, sé rua tou wola itu mai ai Sia. Wo wuéien-Na ai séra in dua, “Percayan iow réén sa Aku ro'na sumama' icamu?” Isowat éra, “Én, percayan ami, é Tuang.”

Markus 9:23

Isowat i Yesus, “Kéitu réén ko kumua sa Aku ro'na? Pakasa ro'na mamuali a sé tou maéman!”

Yohanes 10:28

Wo iwéé-Ku ai séra eng katouan akar ing kauré-uré, wo séra ra'ica iwaya-Ku maté akar ing kauré-uré. Wo ra'ica ka'i wana esaan tou e ro'na mandét iséra ang kama-Ku.

Yohanes 14:10

Ra'ica réén percayanmu, Yaku imeesao ang karapi i Amang, wo si Amang esa wo Yaku? Sapa sé aicua-Ku ai camu ra'ica nunuwu'-Ku in esa, taan si Amang meesao wo Yaku si méma' in tawo-tawoien-Na.

Yohanes 4:14

Taan si séike' e melep in dano si aiwéé-Ku, sia ra'io ka'i maré'om akar ing kauré-uré, ampa'paan en dano si iwéé-Ku itu mamuali oka palemboian in dano an owakna. En dano itu melembo-lemboi an owakna akar sia menonou akar ing kauré-uré.”

Yohanes 5:24

En ulitna icua-Ku mangé ai camu, si séike' mangé en luminga i nunuwu'-Ku wo mercaya a si Amang Kasuruan si mutusai Yaku, kéréanna oka eng katouan akar ing kauré-uré. Wo sia ra'ica ukumen. Sia aicawekaro am papaté wo tumerima ing katouan akar ing kauré-uré.

Yohanes 6:47

En ulitna icua-Ku mangé ai camu, si séike' si maéman a Yaku, sia itu ro'na menonou akar ing kauré-uré.

Yohanes 9:35

Liningao i Yesus si tou wola itu ayuséro éra kumesot am balé paapo'an é agama Yahudi. Wo si Yesus meta'up wo si tou itu wo icua-Na ai sia, “Émanenmu si Toyaang i Tou?”

Roma 8:13

Ampa'paan, sa kamu menonou mengakiit ing kasalé'an in owak in esa, kamu makéré oka ukuman icatané a si Amang Kasuruan akar ing kauré-uré. Taan sa yento' miow mengéma-ngéma' ing kasalé'an in owak maké ing kawasa i Roh-Na, kamu menonou oka ang karapi-Na akar ing kauré-uré.