Yohanes 11:15 - En Taar Weru a nunuwu' é Tontemboan

¹⁵ Taan Aku arui ra'ica a mangé mbitu asi témpo itu, ampa'paan awéan en untungna ai camu. Ampa'paan, awéan oka e mamuali si méma' icamu lébé maéman a Yaku. Anaé, intarépé' mayoo angénta a si Lazarus.”

Yohanes 11:15 ပူးပေါင်းရင်းမြစ်များ

Yohanes 11:14

Ampa'paan in itu ang karapi ra'ica ipaene-enep, icua i Yesus ai séra, “En ulitna si Lazarus itu imatéo.

Yohanes 11:16

Wo si Tomas si pengatowan ka'i Didimus, kumua a sé kara-karapina murit i Yesus walina, “Mayoo kita mangé ka'i an Yudea, mandé ka'i kita maté mewali-wali wo Sia.”

Yohanes 11:4

An tutuw i Yesus iluminga in abar itu, icua-Na, “En sakitna itu ra'ica makawali oka sia am papaté. Taan en anio' mamuali wosama' ituru' i Amang Kasuruan eng kawangko'-Na, wo in taniitu si Toyaang-Na iparayo-rayo wo pasiri-siriin oka.”

Yohanes 12:30

Wo icua i Yesus, “En suara itu aicua torona miow, ra'ica torona-Ku.

Yohanes 17:19

Wo isarakan-Ku eng katouan le'nas-Ku en sumelewir si Amang. Niéma'-Ku en itu torona ing kalooran éra, wosama' séra ka'i ro'na sumarakan in owak en sumelewir si Amang kumiit in sususuien wutul-Mu.

Yohanes 2:11

Niéma' i Yesus eng kakaya'kaan-Na kataré itu ang Kana an sangkum ing Galilea. Am bitu aituru'-Na eng kawangko'-Na, ampa'paan in ituo sé murit-Na mercaya ai Sia.

2 Korintus 4:15

Icami mendamo mai waya ing kawenduan itu asaloke' ing kalooran iow. Icami talesen masaru ing kawenduan itu wosama' en upus aitambér i Amang Kasuruan makakeli en tou imendam. Wo in taniitu makakelio sé tou makua i makapulu'sama' a si Amang Kasuruan, akar Sia iparayo-rayo wo pasiri-siriin.

2 Timotius 2:10

Ampa'paan in iituo aku talesen mengawuléng ing kawenduan itu wosama' sé tou sinisiro i Amang Kasuruan ro'na maéman a si Kristus Yesus wo makéré ing kalowiran ang karapi i rarayo wo in sisiri' akar ing kauré-uré.

1 Yohanes 5:13

Aipaticku waya en itu ai camu sé maéman a si Toyaang i Amang Kasuruan, wosama' kakailekan iow sa kinéréano miow eng katouan akar ing kauré-uré.