Si Yesus maroma' mengapaké in andéan, “En ulitna icua-Ku mangé ai camu, si séike' si muntep am pakurungan é domba, wo ra'ica icumiit im papalen taan asaloke' ilumaput am pager, sia itu rombit wo tou mengarampok.
Si matéir im papalen muka' im papalen torona i gembala itu, wo towan i gembala itu sé dombana kumiit i ngaran i esa wo i esa, sia pengalingan éra. Wo akinen i gembala itu séra kumesot.
Wo icua i Yesus, “Yakuo en lalan maangé a si Amang Kasuruan, Yaku ka'i si mengakua in sususuien wutul andumoro' i Amang Kasuruan, wo Yaku ka'i si mengawéé mai ing katouan akar ing kauré-uré. Ra'ica wana esake' tou e maai a si Amang sa ra'ica ipakawali-Ku.
Ampa'paano i Yesus Kristus, kita im baya tou Yahudi kuma'pa tou ra'ica Yahudi ro'na rumuru a si Amang Kasuruan, Amangta ang karapi in tatawang i Roh Le'nas si esa-esa.