Yohanes 10:6 - En Taar Weru a nunuwu' é Tontemboan

⁶ Aicua i Yesus en andéan itu ai séra, taan ra'ica kaangéan éra sapa em peangé-angén-Na cumua in taniitu ai séra.

Yohanes 10:6 ပူးပေါင်းရင်းမြစ်များ

Matius 13:34

Pakasa en itu ipakua i Yesus a sé tou keli mapaké in andéan. Ra'ica wana en aicua-Na ai séra sa ra'ica imaké in andéan.

Matius 13:51

Kaangéan iow waya sé andéan itu?” Isowat é murit-Na, “Én é Guru kaangéan ami.”

Markus 4:34

Sia mengapaké in andéan sa mengasusui a sé tou keli. Taan a sé murit-Na, icua-Na waya eng kaangéan in andéan itu.

Yohanes 16:25

Pakasa en anio' aicua-Kuo ai camu maké in andéan. Taan maai oka en témpona icua-Ku ai camu ra'ica ka'i maké in andéan. An tutuw itu icua-Ku oka ai camu ang karapi in da'ica ipaene-enep andumoro' i Amang-Ku.

Yohanes 16:29

Wo icua é murit-Na, “Intarépé' ang karapi in da'ica ipaene-enep si Guru icumua ai cami, ra'io ka'i maké andéan.

Yohanes 6:52

Kelinga in itu, sé tou Yahudi meindo-indoan roma' séra wo iséra. Icua éra, “Tambisa réén Sia ro'na méé in owak-Na eng kanenta?”

Yohanes 6:60

Keli tou an uner é makii-kiit si Yesus iluminga sapa si pakua-Na itu wo séra mengkung-kuanan, “En sususuien anio' taloso uter. Ra'ica wana tou e makawoo kumiit in sususuien anio'.”

Yohanes 7:36

Sapa em basa-Na icumua in anio': Pangérén iow oka Aku, taan Aku ra'io peta'up iow wo kamu ra'ica icaangé am bitu?”

Yohanes 8:27

Sé tou iluminga in itu, ra'ica kailekan éra sapa sé ipapaar i Yesus andumoro' si Amang Kasuruan Amang-Na.

Yohanes 8:43

Kéitu réén ra'ica kaangéan iow sé ipakua-Ku? Ampa'paan ra'ica kiim iow luminga in sususuien-Ku.

1 Korintus 2:14

Si tou ra'- ica pengaakinen i Roh i Amang Kasuruan, ra'ica mengaterima sé ipakua i Roh i Amang Kasuruan, ampa'paan paanggapenna sé ipakua i Roh itu ra'ica wana torona. Wo en itu ra'ica kaangéanna, ampa'paan wayake' si tou makaanu i Roh i Amang Kasuruan e ro'na makaangé andumoro' in itu.

2 Petrus 2:22

Séra itu kaputé wutul in andéan anio' si cumua tana'i: “Si asu kuman sumawel sé aipelua'na wo si wawi linelé'o, mangéke' memilé-miléi sumawel in owakna am pake'bo'an.”

1 Yohanes 5:20

Kailekanta ka'i sa si Toyaang i Amang Kasuruan imayo wo mééo ing kakailekan ai cita wosama' katuusanta si Amang Kasuruan si Wutul. Wo kita menonou meesao wo si Amang Kasuruan si Wutul itu, ampa'paan kita esa wo si Toyaang-Na Yesus Kristus. Si Yesus itu Kasuruan si Wutul wo Siake' e méma' sé tou ro'na menonou akar ing kauré-uré.