Yohanes 10:5 - En Taar Weru a nunuwu' é Tontemboan

⁵ Taan séra tantu ra'ica kumiit oka si tou ra'ica katuusan éra. Séra tumincas ai sia ampa'paan ra'ica katuusan éra en suarana.”

Yohanes 10:5 ပူးပေါင်းရင်းမြစ်များ

Markus 4:24

Wo icua ka'i i Yesus, “Wéanio' rékén sumama-sama' sapa sé pinalingao miow! Sa kamu wutu-wutul masalé' makailek, émaan oka i Amang Kasuruan kamu lébé makailek, wo awesan-Napé' ka'i wosama' kamu lébé makailek. Anaé em pengaukur sé pengaukur iow a sé tou walina siitu oka ka'i en yukur ai camu.

Lukas 8:18

Ampa'paano in itu, iwéé mio' sumama-sama' an dékén sapa sé lininga miow. Ampa'paan si séi e masalé' makailek sapa sé aicua-Ku, émaan oka i Amang Kasuruan sia lébé makailek. Taan si séi si ra'ica kiim makailek sapa sé aicua-Ku, sapa sé pawasanna kailekannao émaan oka i Amang Kasuruan ra'io kata'néianna waya.”

Yohanes 10:16

Taan Yaku awéané' ka'i domba walina sé ra'ica asi kurungan anio', sé domba itu musti ka'i akinen-Ku wo lingan oka éra en suara-Ku. Wo séra mamuali oka sangareru' wo sé domba-Ku ang kurungan anio', wo makaanu esa gembala, siituo Aku.

Yohanes 10:4

Sa sé domba aicesoto waya, si gembala itu maya' an dior éra wo sé domba itu kumiit ai sia ampa'paan katuusan éra en suarana.

2 Timotius 4:3

Émaanmu waya en itu, ampa'paan asi esa endo mengangai sa, sé tou ra'io kiim luminga in sususuien wutul itu. Taan taré towan éra sé guru sé icasalé' éra e marui in até éra ang karapi i nunuwuun manam pengalingan.

1 Yohanes 2:19

Mémang séra itu tou an unerta owo, taan séra itu ra'ica touta. Ampa'paan sa séra itu touta, tantu séra kasake' mewali-wali wo icita. Taan ampa'paan séra itumanéo wo icita, en itu mamuali tuus sa séra itu ra'ica touta.

1 Yohanes 2:21

Aipaticku en anio' ai camu, ra'ica ampa'paan kamu ra'ica makailek in sususuien wutul itu, taan ampa'paan kailekan iow en sususuien wutul itu wo ka'i kailekan iow sapaoka ra'ica wana en towo asi sususuien wutul itu.

Wahyu 2:2

Kailekan-Ku sapa sé niéma' miow, kamu tumawoio mai in uter ang kerapi ing kale'tekan. Kailekan-Ku ka'i kamu ra'ica talesen makaséré sé tou léwo'. Tini'tiro miow sé tou sé makua sapaoka séra ruru'du'an, taan en ulitna ra'ica tanu siitu, wo kinailekano miow séra itu kotowo.