Yohanes 10:41 - En Taar Weru a nunuwu' é Tontemboan

⁴¹ Keli en tou sé mai a si Yesus wo séra mengkuanan, “Si Yohanes ra'ica iméma' ing kakaya'kaan, taan wutul waya sé aicua i Yohanes andumoro' i Yesus.”

Yohanes 10:41 ပူးပေါင်းရင်းမြစ်များ

Matius 14:2

Wo icuana a sé atana, “Si anioo si Yohanes Mabaptis si matéo, sia itumouo sumawel! Ampa'paan in ituo sia awéan kawasa i mengéma' sé kakaya'kaan.”

Markus 1:37

An tutuw peta'up éra Sia, wo icua éra, “Guru, pakasa sé tou maéré-éré si Guru.”

Lukas 12:1

Asi témpo itu, mariwu-riwu tou mali'usai akar séra meréngké-réngké'an oka. Wo si Yesus tumo'tolo sumusui, eng kataré-taré a sé murit-Na, icua i Yesus, “Mareti-retio mangé kamu a sé tou Farisi. Séra itu punek, paturu' éra sapaoka séra makiit ing kasalé'an i Casuruan, taan en ulitna séra ra'ica maéma' ing kasalé'an-Na. Em pakatawér éra itu, kaputé i ragi aiwéé an adonan ing kukis wosama' eng kukis itu ruméis.

Lukas 5:1

Asi makasa si Yesus makatulung an tembir in lour Genesaret. Wo keli sé tou imali'usai ai Sia e mai luminga in Taar i Amang Kasuruan.

Yohanes 1:27

Siao si maai kekawus yaku, taan Sia en lébé parangka' mai wo yaku akar muka'ke' in tali in sapatu-Na yaku ra'ica patus.”

Yohanes 2:11

Niéma' i Yesus eng kakaya'kaan-Na kataré itu ang Kana an sangkum ing Galilea. Am bitu aituru'-Na eng kawangko'-Na, ampa'paan in ituo sé murit-Na mercaya ai Sia.