Yohanes 10:38 - En Taar Weru a nunuwu' é Tontemboan

³⁸ Taan sa Aku mengaéma' in tawoien itu, mandé ka'i ra'ica kiim iow mercaya Yaku, percayano mio' en tawo-tawoien sé niéma'-Ku itu mai asi Amang-Ku owo. Wo in taniitu, kaangéan iow oka sa si Amang meesa wo Yaku wo Yaku meesa wo si Amang.”

Yohanes 10:38 ပူးပေါင်းရင်းမြစ်များ

Yohanes 10:25

Isowat i Yesus ai séra, “Aicua-Kuo ai camu, taan ra'ica percayan iow. Sé tawoien niéma'-Ku ang karapi i ngaran i Amang-Ku, siituo eng kasairian andumoro' Yaku.

Yohanes 10:30

Yaku wo si Amang-Ku esa.”

Yohanes 11:4

An tutuw i Yesus iluminga in abar itu, icua-Na, “En sakitna itu ra'ica makawali oka sia am papaté. Taan en anio' mamuali wosama' ituru' i Amang Kasuruan eng kawangko'-Na, wo in taniitu si Toyaang-Na iparayo-rayo wo pasiri-siriin oka.”

Yohanes 14:20

An tutuw-Ku tumou sumawel, kakailekan oka miow sapaoka Yaku meesa wo si Amang, wo icamu meesa wo Yaku wo Yaku meesa ang karapi miow.

Yohanes 17:11

Yaku maangé oka a si Amang, anaé Yaku ra'io ka'i ang kayo'baan anio', taan séra ang kayo'baané'. O Amang si lume'na-le'nas, téirano mai séra ang karapi i ngaran-Mu si aiwééo i Amang a Yaku, wosama' séra maesa, kaputé i Amang esa wo Yaku.

Yohanes 3:2

Asi sangawengi sia mai an tampa i Yesus, wo icuana ai Sia, “Guru, kailekan ami si Guru ayutus i Amang Kasuruan en sumusui ai cami. Ampa'paan, ra'ica wana tou e ro'na méma' sé kakaya'kaan kaputé sé niéma' i Guru, sa si Amang Kasuruan ra'ica mewali-wali wo isia.”

Yohanes 5:36

Taan eng kasairian-Ku en lébé wangko' mai wo ing kasairian i Yohanes. Eng kasairian-Ku sapaoka en tawoien-Ku an uner iow intarépé', siituo en tawoien si aiwéé i Amang a Yaku. Sé tawoien pengaémaan-Ku itu méé tuus sapaoka Yakuo si ayutusai i Amang.

Kisah Para Rasul 2:22

Éi tou Israel, linganai sumama-sama' en cuaku anio'! Si Yesus tou Nazaret itu ayutuso mai i Amang Kasuruan. Wo kailekanta sapaoka si Amang Kasuruan maké Sia en tumuru' ing kawasa wo ing kakaya'kaan-kakaya'kaan wo tuu-tuus sé ra'io icakua sé mamuali an uner iow.

1 Yohanes 3:24

Si séi si makiit waya im perénta-Na, sia itu meesa wo si Amang Kasuruan wo si Amang Kasuruan ka'i meesa wo isia. Wo kailekantao si Amang Kasuruan menonou meesa wo icita, ampa'paan si Amang Kasuruan imééo i Roh-Na ai cita.