Yohanes 10:35 - En Taar Weru a nunuwu' é Tontemboan

³⁵ Kailekan iow eng Kitap Le'nas pengapakén akar ing kauré-uré. Anaé, sa sé tou tumerima in taar i Amang Kasuruan patuulen ‘sé kasuruan,’

Yohanes 10:35 ပူးပေါင်းရင်းမြစ်များ

Matius 24:35

En langit wo eng kayo'baan maka'pu oka taan e nunuwu'-Ku ra'ica maka'pu akar ing kauré-uré.”

Matius 27:35

Kekawus éra sumalip Sia, wéténgen éra eng karai-Na ang kerapi in lumotréi.

Matius 5:18

En ulitna icua-Ku mangé ai camu, ang kauré in da'ipé' maka'pu en langit wo eng kayo'baan anio', esake' urup kuma'pa esake' titik ra'ica kawisa pisin an ukum Torat, sa ra'ipé' imamuali waya.

Lukas 16:17

Mandé in taniitu en ukum Torat awéan akar ing kauré-uré. Mandé en langit wo eng kayo'baan catala, taan en ukum Torat ra'ica wana em batalen mandé esake' urup.

Yohanes 10:34

Isowat i Yesus ai séra, “Aipatic ang Kitap Le'nas, si Amang Kasuruan icumua a sé kikiiten é agama Yahudi, ‘Icua-Ku, icamu sé nianggap tanu kasuruan.’

Yohanes 10:36

kéitu réén ipakua miow Aku maojat si Amang Kasuruan, tutuw-Ku makua Yaku anio' Toyaang i Amang Kasuruan? Yaku si sinisir-Na wo ayutus-Na mai ang kayo'baan.

Yohanes 19:28

Kailekan i Yesus niéma'-Nao em baya-waya si musti émaan-Na, ampa'paan in itu icua-Na “Maré'omo Aku!” Wo in taniitu sapa sé aipatic ang Kitap Le'nas imamualio.

Kisah Para Rasul 1:16

“Poo-poow! Sapa sé aipatic ang Kitap Le'nas in andumoro' i Yudas, musti mamuali. Indior, si Roh Le'nas maké si Daud eng kumua in andumoro' i Yudas, si makawali mai sé tou en tumangka' si Yesus.

Roma 13:1

Pakasa en tou musti le'tek a sé pemerénta. Ampa'paan ra'ica wana pemerénta sé ra'ica winéan hak i Amang Kasuruan e merénta. Wo pakasa sé pemerénta aitantu i Amang Kasuruan.