Yohanes 10:25 - En Taar Weru a nunuwu' é Tontemboan

²⁵ Isowat i Yesus ai séra, “Aicua-Kuo ai camu, taan ra'ica percayan iow. Sé tawoien niéma'-Ku ang karapi i ngaran i Amang-Ku, siituo eng kasairian andumoro' Yaku.

Yohanes 10:25 ပူးပေါင်းရင်းမြစ်များ

Yohanes 10:32

Icua i Yesus ai séra, “Kelian en tawoien loor asi Amang Kasuruan owo sé aituru'-Kuo ai camu. Asé pakasa in tawoien loor itu, si wisa réén si méma' icamu masalé' mangkil im batu a Yaku?”

Yohanes 10:37

Sa Aku ra'ica mengaéma' in tawo-tawoien i Amang-Ku, tioo percayaan iow Aku.

Yohanes 10:38

Taan sa Aku mengaéma' in tawoien itu, mandé ka'i ra'ica kiim iow mercaya Yaku, percayano mio' en tawo-tawoien sé niéma'-Ku itu mai asi Amang-Ku owo. Wo in taniitu, kaangéan iow oka sa si Amang meesa wo Yaku wo Yaku meesa wo si Amang.”

Yohanes 11:47

Ampa'paan in itu, sé kikiiten é imam wo sé tou Farisi tumowa sé Mahkamah Agama mali'us e mepaar, “Sapa réén e musti émaanta? Ampa'paan, si Tou itu méma'o ing keli kakaya'kaan.

Yohanes 12:37

Mandé ka'i kelio eng kakaya'kaan niéma' i Yesus an dior é tou Yahudi, taan Sia ra'ica émanen éra.

Yohanes 14:11

Percayano mai si aicua-Ku, Yaku meesao ang karapi i Amang wo si Amang imeesao wo Yaku. Sa ra'ica percayan iow sé ipakua-Ku, percayano mai Aku ampa'paan sé tawo-tawoien niéma'-Ku.

Yohanes 20:30

Wutul keliané' sé tuu-tuus kakaya'kaan walina si niéma' i Yesus an dior é murit-Na, sé ra'ica aipatic asi kitap anio'.

Yohanes 3:2

Asi sangawengi sia mai an tampa i Yesus, wo icuana ai Sia, “Guru, kailekan ami si Guru ayutus i Amang Kasuruan en sumusui ai cami. Ampa'paan, ra'ica wana tou e ro'na méma' sé kakaya'kaan kaputé sé niéma' i Guru, sa si Amang Kasuruan ra'ica mewali-wali wo isia.”

Yohanes 7:31

Taan an uner é tou keli itu kelio sé mato'tolo maéman a si Yesus, wo ipakua éra, “Sia anio' wutu-wutul Kristus, Kolano Lumolowir, ampa'paan ra'ica wana tou e ro'na méma' tuus kakaya'kaan en lébé keli mai wo sé niéma' i Tou anio'.”

Yohanes 8:12

Kekawus in itu, icua i Yesus sumawel a sé tou keli in tana'i, “Yakuo en sendot ing kayo'baan. Si séi eng kumiit Yaku, sia itu ra'io menonou ang kariréimbengan, taan sia menonou an sendot si méma' isia menonou akar ing kauré-uré.”

Yohanes 8:24

Ampa'paano in itu icua-Ku, kamu maté oka ang karapi in da'ica wana kaampungan ang kamesé-meséan iow. Ampa'paan sa ra'ica percayan iow Yakuo Sia, kamu maté oka ang karapi in da'ica wana kaampungan ang kamesé-meséaan iow.”

Yohanes 8:56

Si apo' miow Abraham arui keli ampa'paan sérénna oka en endo-Ku ang kayo'baan. Wo sinérénao en endo itu wo sia masalé-salé'.”

Yohanes 8:58

Isowat i Yesus ai séra, “En ulitna icua-Ku mangé ai camu, tutuw i Abraham ra'ipé' itumou, Yaku anio' awéano.”

Kisah Para Rasul 10:38

Kailekan iow ka'i sapaoka si Amang Kasuruan imééo i Roh Le'nas wo eng kawasa-Na a si Yesus tou Nazaret, Sia mangé am bisa-wisa wo méma' sé loor wo sumama' pakasa in tou sé kinawasao i kikiiten é sétang ampa'paan si Amang Kasuruan mewali-wali wo Sia.

Kisah Para Rasul 2:22

Éi tou Israel, linganai sumama-sama' en cuaku anio'! Si Yesus tou Nazaret itu ayutuso mai i Amang Kasuruan. Wo kailekanta sapaoka si Amang Kasuruan maké Sia en tumuru' ing kawasa wo ing kakaya'kaan-kakaya'kaan wo tuu-tuus sé ra'io icakua sé mamuali an uner iow.

Ibrani 2:3

Sa taniitu, tambisa réén kita? Kita ra'ica toro icawekar an ukuman, sa ra'ica wéanta rékén en abar andumoro' ing kalowiran si lébé pentingai wo in taar itu. Ampa'paan si Apo' Yesus in esa eng kataré-taré makua in abar andumoro' ing kalowiran itu, wo sé tou kataré-taré iluminga in itu, aicuao éra en abar itu ai cita akar kakailekanta sapaoka en abar itu wutul.