Yohanes 10:16 - En Taar Weru a nunuwu' é Tontemboan

¹⁶ Taan Yaku awéané' ka'i domba walina sé ra'ica asi kurungan anio', sé domba itu musti ka'i akinen-Ku wo lingan oka éra en suara-Ku. Wo séra mamuali oka sangareru' wo sé domba-Ku ang kurungan anio', wo makaanu esa gembala, siituo Aku.

Yohanes 10:16 ပူးပေါင်းရင်းမြစ်များ

Matius 17:5

Ang karoro'ané' i Petrus maroma', tumarépé'anke' tumumpa mai eng kambung matélang wo lumoindong iséra. Wo ang kambung itu kalingaan awéan suara e makua, “Si anioo si Toyaang-Ku, si caupus-Ku, Sia mengaarui in até-Ku. Lingano mangé Sia.”

Lukas 15:8

“Awéan esa wéwéné makaanu sangapulu' roit pérak. Wo sia kinatalaan esa. Sapa en émaanna? Tantu sia méngkét in sosoloan, ka'isanna em balé wo érénna sumama-sama' en doit itu akar ing kéréan.

Yohanes 10:11

Yakuo si gembala sama'. Si gembala sama' sumarakan in owakna en lumowir sé dombana.

Yohanes 10:2

Taan si tou si muntep cumiit im papalen, isiao si gembala é domba.

Yohanes 10:27

En suara-Ku pengalingan é domba-Ku. Katuusan-Ku séra wo séra kumiit Yaku.

Yohanes 10:3

Si matéir im papalen muka' im papalen torona i gembala itu, wo towan i gembala itu sé dombana kumiit i ngaran i esa wo i esa, sia pengalingan éra. Wo akinen i gembala itu séra kumesot.

Yohanes 10:4

Sa sé domba aicesoto waya, si gembala itu maya' an dior éra wo sé domba itu kumiit ai sia ampa'paan katuusan éra en suarana.

Yohanes 10:5

Taan séra tantu ra'ica kumiit oka si tou ra'ica katuusan éra. Séra tumincas ai sia ampa'paan ra'ica katuusan éra en suarana.”

Yohanes 11:52

wo ra'ica asaloke' sé tou Yahudi, taan ka'i en lumi'us wo meesa sé toyaang i Amang Kasuruan sé imeseraro am pakasa ing kayo'baan.

Yohanes 17:20

Em pasombayang-Ku ra'ica isérake', taan ka'i a sé tou sé luminga in sususuien éra wo maéman oka a Yaku.

Yohanes 6:37

Pakasa en tou sé aiwééo i Amang-Ku a Yaku maai oka a Yaku, wo si séike' si maai a Yaku, sia ra'ica kawisa yusér-Ku.

Kisah Para Rasul 15:14

Si Simon Petrus isumisilo tambisa si Amang Kasuruan kumataré itumuru' in upus aitambér-Na a sé tou ra'ica Yahudi. Sinisir-Na sé tou an uner é tou ra'ica Yahudi e mamuali tou-Na.

Kisah Para Rasul 18:10

Yaku mewali-wali wo ico, wo ra'ica wana esaan tou e ro'na misu' wo mokoi ico, ampa'paan keli tou ang kota anio' maéman a Yaku.”

Kisah Para Rasul 22:14

Wo icua i Ananias a yaku tana'i, ‘Ico, aitantuo i Amang Kasuruan si paapo'an é apo-apo'ta, wosama' ro'na kailekanmu eng kasalé'an-Na wo ka'i suméré si Yesus Si Wutul itu wo ka'i luminga in suara si lumembo am ba'ba'-Na.

Roma 11:25

Poo-poow esa paémanen, icuaku ai camu sé icaenepé' wosama' kamu ra'ica matirayo. Si anioo em pawasan i Amang Kasuruan sé icaenepé' itu: Kelian sé tou Israel imamualio keté ro'kos taan séra mamuali taniitu ra'ica akar ing kauré-uré, taan akarke' i malekep eng kakelina é tou ra'ica Israel sé maéman a si Kristus sé aitantuo i Amang Kasuruan.

2 Tesalonika 2:13

Poo-poow sé icaupus i Casuruan! Kami mengua-ngua i makapulu'sama' a si Amang Kasuruan andumoro' icamu, ampa'paan sinisir-Nao kamu asi kataré-taré en lowiren. Wo eng kalowiran itu mamuali ai camu, ampa'paan tatawoi i Roh Le'nas, si lume'nas icamu wo ampa'paan kamu maéman in sususuien wutul i Amang Kasuruan.

Ibrani 13:20

Si Yesus Apo'ta tinou sumawel i Amang Kasuruan am papaté. An tutuw Sia imaté en enda'-Na makatiti-titis wo en enda'-Na itu iméma' im perjanjian weru mapaké akar ing kauré-uré. Anaé, Sia mamuali Gembala Wangko' torona icita. Ampa'paano in itu pekiupusenku a si Amang Kasuruan si palemboian ing kaeluran torona miow,

1 Petrus 2:10

Indior kamu ra'ica tou i Amang Kasuruan, taan intarépé' kamu imamualio tou-Na. Wo indior kamu ra'ipé' itumerima ing kaupusan i Amang Kasuruan taan intarépé' kamu tumerimao ing kaupusan-Na.

1 Petrus 2:25

Ampa'paan kamu indior tanuoka sé domba icasélé'kowo, taan intarépé' kamu imaréngo mai asi gembala si matéir i mu'kur iow.

1 Petrus 5:4

Wo an tutuw i Yesus si Gembala Wangko' imayo sumawel, kamu makéré oka mahkota a rarayo wo in sisiri' ai Sia. Siituo e mahkota si ra'ica materi.

Wahyu 3:20

Séréno! Yaku makatulung an dior im papalen wo tuméngkor. Sa awéan tou luminga in suara-Ku wo muka' im papalen, muntep oka Aku meta'up wo isia, wo kuman mewali-wali wo isia, wo sia kuman mewali-wali wo Yaku.