Yohanes 10:14 - En Taar Weru a nunuwu' é Tontemboan

¹⁴ Yakuo si gembala sama'. Katuusan-Ku sé domba-Ku, wo sé domba-Ku ka'i makatuus Yaku,

Yohanes 10:14 ပူးပေါင်းရင်းမြစ်များ

Yohanes 10:11

Yakuo si gembala sama'. Si gembala sama' sumarakan in owakna en lumowir sé dombana.

Yohanes 10:13

Si tou itu tumincas ampa'paan sia asalo pate'tekan, wo ra'ica pandungenna sé domba itu.

Yohanes 10:27

En suara-Ku pengalingan é domba-Ku. Katuusan-Ku séra wo séra kumiit Yaku.

Yohanes 17:3

Si anioo eng katouan akar ing kauré-uré: Katuusan éra si Amang, si Amang Kasuruan si wayake' in esa wo wutul, wo makatuus Yaku si Yesus Kristus si ayutuso i Amang.

Yohanes 17:8

ampa'paan en taar sé aicua i Amang a Yaku aicua-Kuo waya ai séra wo tinerimao éra. Wo wutu-wutul kakailekan éra, Yaku mai asi Amang owo wo pinercaya éra, si Amango e mutuso mai Yaku.

2 Korintus 4:6

Indior si Amang Kasuruan icumua in tana'i, “Asi kariréimbengan mantangai en sendot.” Intarépé' Siao ka'i iméma' in sendot-Na matélang an untep in atéta. Ampa'paano in sendot-Na si an untep in atéta, ro'na kailekanta eng kawangko' i Amang Kasuruan si masendot ang gio i Kristus.

Efesus 1:17

Wo pekiupusenku a si Amang Kasuruan, Amang i Apo'ta Yesus Kristus, si Amang iparayo-rayo wo pasiri-siriin, wosama' iwéé-Na mai e roh kapinteran wo tumuru' in andumoro' Sia wosama' Sia wutu-wutul katuusan iow.

Efesus 3:19

Pekiupusenku, ro'na kaangéan iow en upus i Kristus itu, mandé ka'i en upus-Na itu ra'ica kaangéan. Wo in taniitu em peri-peri i Amang Kasuruan wutan oka ang katouan iow.

Filipi 3:8

Ra'ica siituke', am baya-waya ra'ica wana torona, sa ipeputé wo yaku intarépé' si makatuuso si Kristus Yesus, Apo'ku. Wo ampa'paano i Kristus Yesus, iwekarku waya en itu wo anggapenku tanu noo, wosama' aku lébépé' ka'i makatuus si Kristus Yesus,

2 Timotius 1:12

Ampa'paan aku makua in Abar Kaaruien itu, akar sangkumku eng kawenduan am bui anio'. Taan aku ra'ica malawi', ampa'paan kailekanku si Apo' Yesus si paémanenku. Émanenku Sia awéan kawasa en tuméir in tawoien si aitoké-Na a yaku akar asi endo kaka'puan ing kayo'baan.

2 Timotius 2:19

Taan em patuuran niéma' i Amang Kasuruan ulit keter. Em patuuran itu aipatic in tana'i, “Katuusan i Casuruan sé tou-Na” wo “Si séike' mangé sé maapo' a si Casuruan, mentoo mengéma-ngéma' in léwo'.”

1 Yohanes 5:20

Kailekanta ka'i sa si Toyaang i Amang Kasuruan imayo wo mééo ing kakailekan ai cita wosama' katuusanta si Amang Kasuruan si Wutul. Wo kita menonou meesao wo si Amang Kasuruan si Wutul itu, ampa'paan kita esa wo si Toyaang-Na Yesus Kristus. Si Yesus itu Kasuruan si Wutul wo Siake' e méma' sé tou ro'na menonou akar ing kauré-uré.

Wahyu 2:13

Kailekan-Ku em paento'an iow, asi tampa pakakawasan i kikiiten é sétang. Taan kamu uli-ulit le'tek maéman a Yaku wo ra'ica sangkalen iow em paémanen iow a Yaku, mandé ka'i sinéré miow si Antipas sairi le'tek-Ku pinaté an dior iow asi tampa pakakawa- san i kikiiten é sétang.

Wahyu 2:19

Kailekan-Ku waya en tinawoi miow. Kamu mengaupus sé kakélé miow, wo le'tek maéman a Yaku, tambisa em pakaselewir iow a sé tou wo tambisa eng katalesen iow masaru ing kawenduan. Kailekan-Ku en tinawoi miow intarépé' ilumébé mai en tinawoi miow an tutuw iow werupé' ma- éman a Yaku.

Wahyu 2:2

Kailekan-Ku sapa sé niéma' miow, kamu tumawoio mai in uter ang kerapi ing kale'tekan. Kailekan-Ku ka'i kamu ra'ica talesen makaséré sé tou léwo'. Tini'tiro miow sé tou sé makua sapaoka séra ruru'du'an, taan en ulitna ra'ica tanu siitu, wo kinailekano miow séra itu kotowo.

Wahyu 2:9

Kailekan-Ku eng kasusaan iow wo eng kalengéian iow, taan am beren i Casuruan kamu siya'. Kailekan-Ku ka'i e ngaran iow pengawuruken é tou sé mangaku séra tou Yahudi. Taan en ulitna séra ra'ica tou i Amang Kasuruan taan séra itu jamaat i kikiiten é sétang.

Wahyu 3:1

“Ipatico mio' a si malaékat si mengatéir in jamaat an Sardis. Si anioo en taar si ai Sia owo si makaanu sé pitu Roh i Amang Kasuruan wo sé pitu sumesendot itu: Kailekan-Ku waya sé pinengaéma' miow. Kamu kaséréan menonou taan en ulitna matéo!

Wahyu 3:15

Kailekan-Ku waya e niéma' miow. Kamu ra'ica uting wo ra'ica paso', lébé loor sisiren iow uting kuma'pa paso'.

Wahyu 3:8

Kailekan-Ku waya e niéma' miow. Winukaan-Kuo em papalen torona miow wo ra'ica wana e ro'na malen. Kailekan-Ku ka'i sapaoka eng kaketeran iow wayake' im pira, taan kiniitano miow en sususuien-Ku wo ra'ica sumangkal i ngaran-Ku.