Yohanes 10:12 - En Taar Weru a nunuwu' é Tontemboan

¹² Awéan tou pengawéran en tuméir sé domba taan sia ra'ica gembala, wo ka'i ra'ica makaanu domba. An tutuw séréna awéan serigala maai, itela'una sé domba itu wo sia tumincas, akar awéan domba sé kinarét i serigala wo sé walina tumincas akar icasera-serar.

Yohanes 10:12 ပူးပေါင်းရင်းမြစ်များ

Matius 10:16

“Wéan rékén en anio'! Yutus-Ku kamu mangé tanuoka sé domba an uner é serigala. Ampa'paan in itu kamu musti mapinte-pinter tanu ula', wo lekep en até tanu mombo.

Matius 7:15

“Maténga-téngamo mangé a sé nabi ra'ica wutul. Séra maai ai camu tanuoka domba, taan en ulitna séra itu serigala léwo'.

Yohanes 10:13

Si tou itu tumincas ampa'paan sia asalo pate'tekan, wo ra'ica pandungenna sé domba itu.

Yohanes 10:2

Taan si tou si muntep cumiit im papalen, isiao si gembala é domba.

Yohanes 10:3

Si matéir im papalen muka' im papalen torona i gembala itu, wo towan i gembala itu sé dombana kumiit i ngaran i esa wo i esa, sia pengalingan éra. Wo akinen i gembala itu séra kumesot.

Kisah Para Rasul 20:29

Kailekanku sa kamu itela'uku, sé tou i makaperi meputé wo sé serigala luméwo-léwo' muntep oka an uner iow. Raméjin éra tumeri sé jamaat si pakatéiran iow itu.

1 Timotius 3:3

ra'ica lalangun, ra'ica tae'bow taan sama' a sé tou, masalé' meelu-eluran wo sé kakélé in tou wo ra'ica ata in doit,

1 Timotius 3:8

Taniitu ka'i wo sé maselewir sé jamaat, séra sumémbong tumu'tul sé jamaat, em peri éra musti loor akar pasiriin é tou, ra'ica punek, ra'ica lalangun wo ra'ica longi'.

2 Timotius 4:10

Ampa'paan si Kreskes imangém ang Galatia wo si Titus imangémo an Dalmatia. Wo aku aitela'uo ka'i i Demas, sia imangémo an Tesalonika ampa'paan sia masalé-salé'ke' sé andumoro' ing kayo'baan.

Titus 1:7

Sé mengatilik an jamaat en tawoienna mengatu'tul sé jamaat i Amang Kasuruan, sia musti menonou ra'ica wana e ro'na méé kaséaan, ra'ica tirayo, ra'ica tae'bow, ra'ica lalangun, ra'ica tampenokolen wo ra'ica ata in doit.

1 Petrus 5:2

Téiran iow sé tou maéman a si Yesus sé aitoké i Amang Kasuruan ai camu. Téiran iow séra kaputé i gembala matéir sé dombana. Téiran iow séra ra'ica ampa'paan pinelesé' taan ang karapi in arui en até, kumiit ing kasalé'an i Amang Kasuruan. Wo tioo ampa'paan maéré-éré ing kalébéan, taan ang karapi i mauli-ulit tumawang iséra.

2 Petrus 2:3

Ampa'paan sé guru ra'ica wutul itu longi' in doit, séra masisil in sisisilen sé niéma' éra in esa torona muwak icamu. Ampa'paano sé niéma' éra itu, en ukuman éra uréo keli aitu'tulo i Amang Kasuruan wo em papaté éra ra'io ipauré-uré.