Yohanes 10:10 - En Taar Weru a nunuwu' é Tontemboan

¹⁰ Si rombit maai asaloke' i rumombit, wo mengapaté wo en luméwo'. Taan Aku mai wosama' séra makéré ing katouan si wuta ing kamang.

Yohanes 10:10 ပူးပေါင်းရင်းမြစ်များ

Matius 18:10

“Ta'néien iow sumama-sama'! Tioo paepesen iow im beren sé toyaang teké' anio', ampa'paan itu icua-Ku mangé ai camu, séra itu awéan malaékat makatéir sé tatap mengapaar a si Amang-Ku an sorga. [

Matius 18:11

Ampa'paan si Toyaang i Tou imai ang kayo'baan anio' en lumowir sé tou icasélé'kow.” ]

Matius 20:28

En itu meputé wo si niéma' i Toyaang i Tou. Sia maai ang kayo'baan anio' ra'ica maai selewiran é tou taan en sumelewir sé tou wo méé in owak-Na in esa en tumu'bus ing kamesé-meséaan é tou keli.”

Matius 21:13

Wo icua-Na ai séra, “Ang Kitap Le'nas awéan en aipatic in tana'i, ‘Em balé-Ku patuulen oka é tou walé pengasombayangan.’ Taan niéma'o miow tampa mauwak sé tou!”

Matius 23:13

“Icawangkuro mio' kamu sé makailek wutul in Torat wo sé tou Farisi! Kamu anio' tou punek. Ampa'paan pengakalaan iowke' sé tou masalé' muntep ang Kakolanoan in Sorga. Icamu in esa ra'- ica kiim muntep ang Kakolanoan in Sorga, akar pengakalaan iow sé tou masalé' muntep ang Kakolanoan in Sorga. [

Markus 11:17

Wo Sia sumusui ai séra, icua-Na, “Ang Kitap Le'nas aipatic in tana'i, ‘Em balé-Ku patuulen oka é tou walé pengasombayangan é pakasa im bangsa.’ Taan niéma'o miow tampa mengauwak sé tou!”

Lukas 19:10

Ampa'paan si Toyaang i Tou mai e mangéré sé tou itumayango asi Amang Kasuruan wo lumowir iséra an ukuman ing kamesé-meséaan.”

Yohanes 10:1

Si Yesus maroma' mengapaké in andéan, “En ulitna icua-Ku mangé ai camu, si séike' si muntep am pakurungan é domba, wo ra'ica icumiit im papalen taan asaloke' ilumaput am pager, sia itu rombit wo tou mengarampok.

Yohanes 10:11

Yakuo si gembala sama'. Si gembala sama' sumarakan in owakna en lumowir sé dombana.

Yohanes 12:47

Sé tou luminga sé ipakua-Ku, taan ra'ica paémaanna, ra'ica Yaku e makim iséra. Ampa'paan Yaku mai ang kayo'baan anio' ra'ica i makim sé tou taan en lumowir séra.

Yohanes 12:6

Aicua i Yudas in taniitu ra'ica ampa'paan sia masalé' tumawang sé tou lengéi taan ampa'paan sia rombit. Sia sumangkum mengaindo in doit kas si pengaéma' ai sia.

Yohanes 3:17

Ampa'paan si Amang Kasuruan mutus si Toyaang-Na ang kayo'baan ra'ica mai makim sé tou iméma' ing kamesé-meséaan, taan Sia mai en lumowir sé tou an ukuman ing kamesé-meséaan éra.

Yohanes 5:40

taan ra'ica kiim iow mai a Yaku e makéré ing katouan akar ing kauré-uré.

Yohanes 6:33

Eng kakanen wutul si aiwéé mai i Amang Kasuruan itu tumumpa mai an sorga owo akar méma' i tou ang kayo'baan anio' menonou akar ing kauré-uré.”

Yohanes 6:51

Yakuo eng kakanen si mawéé ing katouan si tumumpao mai an sorga owo. Sa si tou kuman ing kakanen anio', sia menonou oka akar ing kauré-uré. Eng kakanen si wéé-Ku itu, siituo en owak-Ku si iwéé-Ku oka a sé tou ang kayo'baan wosama' séra ro'na menonou akar ing kauré-uré.”

Roma 2:21

Sé tou walina pasusuian iow, taan kéitu réén kamu ra'ica masusui in owak iow in esa? Em pasusui iow: “Tioo marombit,” kéitu réén kamu in esa marombit?

1 Timotius 1:15

Sé nunuwu' anio' ulit wo ro'na teriman wo percayanmu. En aicua tana'i: Si Kristus Yesus mai ang kayo'baan en lumowir sé tou ang kamesé-meséaan. Wo a sé im pakasa in tou sé sumangkumo mengaéma' ing kamesé-meséaan, yakuo si kumeli-keli mengaéma' ing kamesé-meséaan.

Ibrani 6:17

Si Amang Kasuruan kumeter in janji-Na a sé tou ang karapi in sumpa wosama' séra sé tumerima in janji-Na itu ro'na mercaya sapaoka Sia ra'ica rumoba im pawasa-wasan-Na.

Ibrani 7:25

Ampa'paano in itu si Yesus makawoo lumowir ang karapi in lekep sé pakasa in tou sé aiwali-Na mangé a si Amang Kasuruan, ampa'paan si Yesus menonou akar ing kauré-uré si mekiupus a si Amang Kasuruan torona éra.

2 Petrus 1:11

Wo in taniitu kamu wéan-Na oka kaloasan e muntep ang kakolanoan akar ing kauré-uré, siituo eng kakolanoan i Apo' Yesus Kristus wo Lumolowirta.