Yohanes 1:9 - En Taar Weru a nunuwu' é Tontemboan

⁹ Wo en sendot si uli-ulit itu ang karoro'an i maai ang kayo'baan. Siituo en sendot si sumendot in até im pakasa é tou.

Yohanes 1:9 ပူးပေါင်းရင်းမြစ်များ

Matius 6:23

Sa em beren iow makewuro, imariréimbengo waya en owak iow.

Lukas 11:36

Sa en owak iow sendot wo ra'ica wana e riréimbeng, tantu eng katouan iow uli-ulit sendot. En itu meputéo in sendot in sosoloan mengasendot icamu.”

Yohanes 1:4

En Taar itu palemboian ing katouan wo eng katouan itu si sendot en sumendot in até é tou.

Yohanes 1:7

Sia mai eng kumua andumoro' in sendot itu a sé im pakasa é tou wosama' lingan éra eng kasairianna wo mercaya in sendot itu.

Yohanes 12:46

Yaku mayo ang kayo'baan anio' e mamuali sendot a sé tou, wosama' sé tou maéman a Yaku ra'ica mento' ang kariréimbengan.

Yohanes 14:6

Wo icua i Yesus, “Yakuo en lalan maangé a si Amang Kasuruan, Yaku ka'i si mengakua in sususuien wutul andumoro' i Amang Kasuruan, wo Yaku ka'i si mengawéé mai ing katouan akar ing kauré-uré. Ra'ica wana esake' tou e maai a si Amang sa ra'ica ipakawali-Ku.

Yohanes 15:1

Icua i Yesus a sé murit-Na, “Yakuo en tuura in anggor wutul wo si Amang-Kuo e matawoi an uma in anggor.

Yohanes 6:32

Wo icua i Yesus ai séra, “En ulitna icua-Ku mangé ai camu, indior ra'ica si Musa e méé ing kakanen si an sorga owo itu a sé apo-apo' miow, taan si Amang-Ku. Wo intarépé' si Amang-Ku méé ai camu kakanen wutul an sorga owo.

Yohanes 7:12

Wo keli tou mengkeng-kewitan i esa wo sé walina andumoro' Sia. Awéan sé makua, “Sia itu tou sama'.” Awéan ka'i sé makua, “Ra'ica, Sia si mengasélé'kow sé tou keli.”

1 Yohanes 1:8

Sa icuata sapaoka kita ra'ica wana kamesé-meséaan, kita imuwako in owakta in esa wo en sususuien wutul ra'ica an atéta.

1 Yohanes 2:8

Taan em perénta si aipaticku anio' ro'na mamuali perénta weru, ampa'paan em perénta anio' wutu-wutul pinengaéma' i Yesus, wo émaan iow ka'i en itu. Ampa'paan eng kariréimbengan ang karoro'ano icatala wo en sendot wutul mato'tolo masendot.

1 Yohanes 5:20

Kailekanta ka'i sa si Toyaang i Amang Kasuruan imayo wo mééo ing kakailekan ai cita wosama' katuusanta si Amang Kasuruan si Wutul. Wo kita menonou meesao wo si Amang Kasuruan si Wutul itu, ampa'paan kita esa wo si Toyaang-Na Yesus Kristus. Si Yesus itu Kasuruan si Wutul wo Siake' e méma' sé tou ro'na menonou akar ing kauré-uré.