Yohanes 1:6 - En Taar Weru a nunuwu' é Tontemboan

⁶ Asi sangando awéan esa tou si ayutus i Amang Kasuruan, e ngaranna Yohanes.

Yohanes 1:6 ပူးပေါင်းရင်းမြစ်များ

Matius 11:10

Ampa'paan andumoro' isia awéan en aipatic: ‘Séréno! Airu'du'-Ku mai si utusan-Ku rumiorai ai Co, sia oka en tumu'tul in lalan wayaan-Mu.’

Matius 21:25

Sa iciit icamu, si Yohanes Mabaptis maptis sé tou imaké réén ing kawasa i séi? Asi Amang Kasuruan owo kuma'pa asé tou owo?” Wo séra wo i séra mengkuanan, “Sa icuata, ‘Asi Amang Kasuruan owo’, tantu icua-Na oka ai cita, ‘Sa taniitu, kéitu réén sia ra'ica percayan iow?’

Lukas 1:13

Taan icua i malaékat itu ai sia, “Zakharia tioo maindé'! Ampa'paan en sombayangmu liningao i Amang Kasuruan. Si penanaanmu Elisabet makéré oka esa toyaang tuama wo musti ngarananmu sia Yohanes.

Lukas 1:76

Wo ico é Yohanes, toyaangku, ico patuulen oka é tou nabi i Amang Kasuruan Si Rumangka-rangka', ampa'paan ko rumior oka mai wo si Casuruan en tumu'tul in até é tou en tumerima Sia.

Yohanes 1:33

An tutuw itu ra'ipé' katuusanku Sia, taan si Amang Kasuruan si mutus yaku e mengabaptis sé tou ang karapi in dano, icumuao a yaku: ‘Sa sérénmu e Roh itu tumumpa mai an dangka' i esa Tou wo tumeka' am bawo-Na, Sia oka e mengabaptis sé tou ang karapi i Roh Le'nas’.

Yohanes 3:28

Liningao miow in esa sé ipengakuaku indior sapaoka aku ra'ica si Mesias si aijanjio i Amang Kasuruan, taan aku ayutus rumiorai ai Sia wosama' tumu'tul in lalan wayaan-Na.

Kisah Para Rasul 13:24

Wo ra'ipé' mai si lumolowir itu, aicuao i Yohanes a sé pakasa é bangsa Israel wosama' séra mape'dis wo méé in owak em baptisen.