Yohanes 1:51 - En Taar Weru a nunuwu' é Tontemboan

⁵¹ Icua ka'i i Yesus, “En ulitna icua-Ku mangé ai camu, sérén iow oka en langit mawuka' wo sé malaékat i Amang Kasuruan sumosor wo meros maai a Yaku Toyaang i Tou.”

Yohanes 1:51 ပူးပေါင်းရင်းမြစ်များ

Matius 25:31

“Sa si Toyaang i Tou maai ang karapi i rarayo wo in sisiri'-Na mewali-wali wo sé malaékat-Na, Sia lumukut oka am palukutan pasiri-siriin.

Matius 26:24

Si Toyaang i Tou maté oka tanu in aipatic ang Kitap Le'nas andumoro' Sia. Taan icawangkuro mio' si tou sumarakan Sia, aweso taré si tou itu ra'ica aitou ang kayo'baan.”

Matius 3:16

Kumawusai nibaptis, si Yesus makala'us kumesot an dano wo asi témpo ituke' en langit mawuka' wo kaséréan-Na e Roh i Amang Kasuruan tanuoka mombo tumumpa mai ai Sia.

Matius 4:11

Kekawus in itu, si Yesus itela'u i kikiiten é sétang. Wo sé malaékat mai en sumelewir Sia.

Matius 8:20

Icua i Yesus ai sia, “Si serigala awéan wileng paento'an, taniitu ka'i sé burung awéan em parumunan. Taan si Toyaang i Tou ra'ica wana paento'an.”

Matius 9:6

Taan intarépé', musti kailekan iow sapaoka ang kayo'baan anio' si Toyaang i Tou awéan kawasa e méé kaampungan ang kamesé-meséaan.” Wo icua i Yesus a si tou késo' itu, “Tumulungo, angkaieno en tinekelanmu wo maréngo am balému.”

Markus 1:10

Kekesotai i Yesus an dano, makala'us sérén-Na mangé en langit mawuka' wo e Roh i Amang Kasuruan si tanuoka mombo, tumumpa mai ai Sia.

Markus 14:62

Wo isowat i Yesus, “Yakuo Sia. Kaséréan iow oka si Toyaang i Tou makalukut ang kakan i Makakawasa, wo mai an dangka' ing kambung-kambung an langit.”

Lukas 2:13

Kumawusai si malaékat itu maroma', mapaturu'o mai kekelian malaékat an sorga owo mewali-wali wo si malaékat itu. Wo séra im baya mewali-wali rumayo si Amang Kasuruan. Icua éra,

Lukas 2:9

Tumarépé'anke' mapaturu'o mai ai séra si esa malaékat i Amang Kasuruan. Wo en sendot i Amang Kasuruan tumélang iséra, akar séra uli-ulit maindé'.

Lukas 22:43

Wo awéan esa malaékat an sorga, mai mapaturu' in owakna a si Yesus e méé ing kaketeran ai Sia.

Lukas 22:69

Taan tumo'tol asi oras anio' si Toyaang i Tou lumukut oka ang kakan i Amang Kasuruan si Makakawasa.”

Lukas 24:4

Ang karoro'an éra i makatulung, séra tanuoka taré tou bingo ampa'paan memero-merot ing kinamamualian itu wo tumarépé'anke' mapaturu'o mai rua tou mekarai ing kulo' menéla-nélap, makatulung an duru éra.

Lukas 3:21

Pakabaptisenai i Yohanes sé tou keli itu wo baptisennao ka'i si Yesus. Ang karoro'an i Yesus masombayang, mawuka'o mai en langit

Yohanes 1:50

Isowat i Yesus, “Aicua-Kuo ai co sapaoka ko sinéré-Kuo an darem é panga-pangana in tuura in ara. Ampa'paano réén in itu wo ko maéman a Yaku? Sangkumen iow oka sé kamamualian si lébé wangko' mai wo siitu.”

Yohanes 10:1

Si Yesus maroma' mengapaké in andéan, “En ulitna icua-Ku mangé ai camu, si séike' si muntep am pakurungan é domba, wo ra'ica icumiit im papalen taan asaloke' ilumaput am pager, sia itu rombit wo tou mengarampok.

Yohanes 10:7

Ampa'paan in itu icua ka'i i Yesus, “En ulitna icua-Ku mangé ai camu, Yakuo em papalen é domba itu.

Yohanes 13:16

En ulitna icua-Ku mangé ai camu, si esa ata ra'ica lumébémai wo si tuangna, kuma'pa si esa tou ayutus ra'ica lumébémai wo si tou si mutus sia.

Yohanes 13:38

Isowat i Yesus ai sia, “Uli-ulit réén ko masalé' maté ampa'paan Yaku? En ulitna icua-Ku ai co, si co'ko' ra'ipé' kumukuk, ico isumangkalo Yaku makatelu.”

Yohanes 14:12

En ulitna icua-Ku mangé ai camu, si séike' si maéman a Yaku, émaanna oka ka'i en tuu-tuus kakaya'kaan si meputé wo sé niéma'-Ku. Wo ka'i ro'na kaémaan-Na sé tuu-tuus kakaya'kaan sé wangko' mai wo sé niéma'-Ku itu, ampa'paan Aku maangém a si Amang-Ku.

Yohanes 16:20

En ulitna icua-Ku mangé ai camu, an tutuw-Ku i maangém a si Amang, paamé'an iow oka Aku akar in sesendu'an, taan sé tou ang kayo'baan sé ra'ica maéman a Yaku maaru-arui oka. Wo kamu mawendu oka, taan eng kawenduan iow sawelan oka mai ing kaaruian.

Yohanes 16:23

Wo asi endo itu, kamu ra'io ka'i sangali mamuéi sapa-sapa a Yaku. En ulitna icua-Ku mangé ai camu, sapake' em pangileken iow a si Amang-Ku a ngaran-Ku, iwéé-Na oka mai.

Yohanes 21:18

En ulitna icua-Ku mangé ai co, an tutuw ko wo'basé', ico in esa mengawa'kes im pinggangmu wo ico mawaya' am bisake' si casalé'mu. Taan sa ko matu'ao, wéému oka eng kamamu wa'kesen é tou walina wo iwali éra oka an tampa si ra'ica icasalé'mu.”

Yohanes 3:3

Isowat i Yesus, “En ulitna icua-Ku mangé ai co, sa si esa tou ra'ica touen sumawel sia ra'ica mamuali tou i Amang Kasuruan ang Kakolanoan-Na.”

Yohanes 3:5

Isowat i Yesus, “En ulitna icua-Ku mangé ai co, sa si tou ra'ica touen sumawel an dano wo e Roh i Amang Kasuruan, sia ra'ica muntep ang Kakolanoan i Amang Kasuruan.

Yohanes 5:19

Wo isowat i Yesus ai séra in tana'i, “En ulitna icua-Ku mangé ai camu, Yaku Toyaang i Amang Kasuruan ra'ica toro méma' in sapa-sapa sa asaloke' kumiit ing kasalé'an-Ku in esa. E niéma'-Ku asaloke' sapa sé sinéré-Ku niéma' i Amang-Ku. Ampa'paan sapa sé niéma' i Amang, siituo en émaan i Toyaang.

Yohanes 5:27

Wo si Amang-Ku ka'i mééo ing kawasa a Yaku e makim ampa'paan Yaku Toyaang i Tou.

Yohanes 6:26

Wo isowat i Yesus ai séra, “En ulitna icua-Ku mangé ai camu, pinangéré miow Aku ra'ica ampa'paan sinéréo miow en tuu-tuus kakaya'kaan si niéma'-Ku wo makailek sa si séi réén Aku, taan pinangéré miow Aku ampa'paan kamu icumano i roti itu akar mawesu.

Yohanes 6:32

Wo icua i Yesus ai séra, “En ulitna icua-Ku mangé ai camu, indior ra'ica si Musa e méé ing kakanen si an sorga owo itu a sé apo-apo' miow, taan si Amang-Ku. Wo intarépé' si Amang-Ku méé ai camu kakanen wutul an sorga owo.

Yohanes 6:47

En ulitna icua-Ku mangé ai camu, si séike' si maéman a Yaku, sia itu ro'na menonou akar ing kauré-uré.

Yohanes 6:53

Wo icua i Yesus ai séra, “En ulitna icua-Ku ai camu, sa ra'ica kanen iow en owak-Ku si Toyaang i Tou wo melep in enda'-Ku, kamu ra'ica menonou akar ing kauré-uré.

Yohanes 8:34

Icua i Yesus ai séra, “En ulitna icua-Ku mangé ai camu, si esa wo si esa tou sé mengaéma' ing kamesé-meséaan, sia itu mamuali ata ing kamesé-meséaan.

Yohanes 8:51

En ulitna icua-Ku mangé ai camu, si séike' e makiit in aicua-Ku sia ra'ica maté akar ing kauré-uré.”

Yohanes 8:58

Isowat i Yesus ai séra, “En ulitna icua-Ku mangé ai camu, tutuw i Abraham ra'ipé' itumou, Yaku anio' awéano.”

Kisah Para Rasul 10:11

Kaséréanna en langit mawuka' wo tumumpamai tanu esa kaéng welar. Eng kaéng itu aitumpa mai an tana' imaké in tali aiwa'kes an epat ruuna ing kaéng itu.

Kisah Para Rasul 7:56

Wo icua i Stefanus, “Uli-ulit, kinaséréanku en langit imawuka' wo si Toyaang i Tou makatulung ang kakan i Amang Kasuruan.”

2 Tesalonika 1:7

Émaan-Na oka ka'i kamu wo icami cawekar an okoi wo ang kawenduan an tutuw si Apo' Yesus tumumpa mai a mangé en sorga owo. En itu mamuali an tutuw i Apo' Yesus mapaturu' in owak-Na mewali-wali wo sé malaékat-Na si wuta ing kawasa.

2 Tesalonika 1:9

Séra makéré oka ukuman asi Casuruan owo akar ing kauré-uré. Séra yusér i Casuruan tayang an dior-Na wo ra'io ka'i suméré ing kawangko' ing kawasa-Na.

1 Timotius 3:16

Indior en sususuien wutul itu ra'ica kailekan é tou, taan intarépé' sé icaenep andumoro' in sususuien wutul sé ra'io cakua itu, winuka'o i Amang Kasuruan. Sé icaenep itu tana'i: “Si Yesus imayo wo mamualio tou, wo aituru' i Roh Le'nas sapaoka Sia itu wutul. Sia mapaturu'o in owak-Na a sé malaékat, wo en sisisilen andumoro' Sia itu icaseraro a sé bangsa. Wo Sia émanen é pakasa ing kayo'baan, wo Sia niangkaio mangé an sorga ang karapi i rarayo wo in sisiri'.”

Ibrani 1:14

Sa taniitu, si séi réén sé malaékat itu? Séra sé roh mengaéma' sapa sé airu'du' i Amang Kasuruan, sé ayutus-Na en tumawang sé tou sé makéré oka ing kalowiran.

Yudas 1:14

Awéan si taranak kapitu i Adam makangaran Henokh, sia kumua i nunuwu' i Amang Kasuruan andumoro' sé tou itu. Icuana in tana'i, “Si Casuruan maai oka ang karapi é mariwu-riwu malaékat le'nas.

Wahyu 19:11

Kekawus in itu sérénku en sorga makawuka', wo kaséréanku esa kawayo kulo'. An licurna awéan Tou e makalukut, ngaran-Na ‘Si Le'tek wo Si Wutul.’ Sia ra'ica marapit an tutuw i makim wo merang.

Wahyu 4:1

Kekawus in itu, yaku pinapaturu'an esa papalen si makawuka' an sorga. Wo kalingaanku ka'i en suara si sumangkumo liningaku, en suara itu tanuoka in téngéna in terompét si makua, “Sumosoro mai! Ituru'-Ku oka ai co sapa e mamuali sa.”