Yohanes 1:50 - En Taar Weru a nunuwu' é Tontemboan

⁵⁰ Isowat i Yesus, “Aicua-Kuo ai co sapaoka ko sinéré-Kuo an darem é panga-pangana in tuura in ara. Ampa'paano réén in itu wo ko maéman a Yaku? Sangkumen iow oka sé kamamualian si lébé wangko' mai wo siitu.”

Yohanes 1:50 ပူးပေါင်းရင်းမြစ်များ

Matius 13:12

Si séi si masalé' makailek sapa sé aicua-Ku, émaan oka i Amang Kasuruan sia lébé makailek. Taan si séi si ra'ica kiim makailek sapa sé aicua-Ku, sapa sé kinailekannao émaan oka i Amang Kasuruan ra'io kata'néianna waya.

Matius 21:19

Wo an tembir in lalan sérén-Na awéan tuur in ara. Wo rurun-Na mangé e mengat im bua'na in ara itu, taan ra'ica kinéréan-Na, aluar in lalainake'. Wo icua-Na a si tuur itu, “Ico ra'io kawisa mua' akar ing kauré-uré!” Wo asi témpo ituke' en tuur in ara itu makala'us mapera.

Matius 25:29

Anaé, sé tou ro'na patokéan in sapake' mangé, séra wéan oka lébé keli mai. Taan sé tou ra'ica toro patokéan in sapake' mangé, sapake' sé ai séra pakaindo-indon oka.

Lukas 1:45

Pakakamangenko, ampa'paan pinercayamu sapa sé aicua i Casuruan ai co itu mamuali oka.”

Lukas 7:9

Kelinga i Yesus en aicua éra andumoro' in aitaar i kikiiten é suraro Romawi itu wo si Yesus mangaya'ka' a si kikiiten itu. Wo sérén i Yesus sé tou keli makiit Sia wo icua-Na, “Icua-Ku mangé ai camu, ra'ipé' kawisa ipeta'up-Ku tou makaanu im paémanen wangko' tanu si anio' mandé ka'i an uner é tou Israel.”

Yohanes 1:49

Icua i Natanael a si Yesus, “Guru, Ico Toyaang i Amang Kasuruan, Ico Kolano é tou Israel!”

Yohanes 1:51

Icua ka'i i Yesus, “En ulitna icua-Ku mangé ai camu, sérén iow oka en langit mawuka' wo sé malaékat i Amang Kasuruan sumosor wo meros maai a Yaku Toyaang i Tou.”

Yohanes 11:40

Icua i Yesus, “Ra'ica réén aicua-Kuo ai co tarépé'? Sa percayanmu, sérénmu oka eng kawangko' ing kawasa i Amang Kasuruan.”

Yohanes 20:29

Wo icua i Yesus ai sia, “Ampa'paan Aku sinérémuo, akar ko mercaya. Kinamango sé tou ra'ica suméré taan mercaya.”