Yohanes 1:45 - En Taar Weru a nunuwu' é Tontemboan

⁴⁵ Wo si Filipus mangé meta'up wo si Natanael, icuana ai sia, “Aipeta'upo ami Sia si aicua i Musa ang kitap Torat, wo si pakua é nabi. Siao si Yesus a Nazaret owo toyaang i Yusuf.”

Yohanes 1:45 ပူးပေါင်းရင်းမြစ်များ

Matius 10:3

Si Pilipus, Bartolomeus, Tomas, Matius si mengatagi im pajak, Yakobus toyaang i Alfeus, wo si Tadeus,

Matius 13:55

Ra'ica réén Sia itu toyaang i bas ing kayu? Ra'ica réén si inang-Na si Maria wo sé mepoow wo Sia si Yakobus, si Yusuf, si Simon wo si Yudas?

Matius 2:23

Icateka' mangé séra ang Galilea, séra mento' ang kota makangaran Nazaret. Wo in taniitu, en taar sé aicua é nabi andumoro' i Toyaang itu imamualio: Sia tuulen oka “Tou Nazaret.”

Matius 21:11

Isowat é tou keli sé makiit si Yesus, “Sia itu si nabi Yesus a Nazaret owo si ang Galilea!”

Markus 14:67

An tutuwna in suméré si Petrus mangéngé an duru in api, tuusenna sama' eng gio i Petrus wo icuana, “Ico to si tatap mewali-wali wo si Yesus tou Nazaret itu?”

Markus 6:3

Ra'ica réén Sia bas ing kayu, toyaang i Maria, mepoow wo si Yakobus, si Yoses, wo si Yudas wo si Simon? Wo ra'ica réén sé poo-poow-Na wéwéné mewali-wali wo icita am bia'i?” Wo icélong éra Sia.

Lukas 18:37

Wo icua é tou ai sia, “Si Yesus tou Nazaret malangkoi.”

Lukas 2:4

Taniitu ka'i si Yusuf, sia a Nazaret owo ang Galilea, mangé ang kota Daud makangaran im Betlehem an Yudea. Sia musti maréng angé am bitu ampa'paan sia itu taranak i Daud.

Lukas 2:48

Wo an tutuw é matu'a-Na suméré Sia, séra mangaya'ka' wo icua i inang-Na ai Sia, “Toyaangku, kéitu réén-Ko iméma' tanu siitu ai cami? Si amang-Mu wo yaku ra'io makaaté in sama' maéré-éré Ico.”

Lukas 24:27

Wo isisil-Na waya ai séra in dua sapa sé aipatic am pakasa ing Kitap Le'nas andumoro' in owak-Na, tumo'tolai ang kitap-kitap aipatic i Musa akar ang kitap-kitap aipatic é nabi walina.

Lukas 24:44

Makakanai Sia wo icua-Na ai séra, “An tutuw-Ku i mewali-walipé' wo icamu, sumangkumo icua-Ku ai camu, sapaoka pakasa en aipatic andumoro' Yaku ang Kitap Torat, ang kitap é nabi wo ang kitap Mazmur, musti mamuali.”

Lukas 3:23

An tutuw i Yesus tumo'tol masusui, en umur-Na telu ngapulu' ngata'uno wona'. Sé tou a mangé mbitu maanggap, sapaoka Sia toyaang i Yusuf, toyaang i Eli,

Lukas 4:22

Wo pakasa sé tou itu kumua, pakasa sé aicua-Na itu wutul wo séra mangaya-ngaya'ka' ampa'paan pakasa sé nunuwu' airoma'-Na itu kaaruien oka mai. Kumawus in itu séra mengkuanan, “Ra'ica réén Sia itu Toyaang i Yusuf?”

Yohanes 1:44

Si Filipus tou ing kota Betsaida, si kota i Andreas wo si Petrus.

Yohanes 12:21

Sé tou Yunani itu imangé a si Filipus tou Betsaida an sangkum ing Galilea, wo icua éra ai sia, “Tuang, icasalé' ami woo meta'up wo si Yesus.”

Yohanes 14:8

Icua i Filipus a si Yesus, “Tuang, ituru'o mai si Amang-Mu ai cami wo en até ami arui keli.”

Yohanes 18:5

Wo isowat éra a si Yesus, “Si Yesus a Nazaret owo.” Icua i Yesus ai séra “Yakuo Sia.” Si Yudas si cumianat si Yesus, makatulung ka'i am bitu ang karapi éra.

Yohanes 18:7

Wo wuéien-Na sumawel ai séra, “Si séi réén si paéré-érén iow?” Wo isowat éra, “Si Yesus a Nazaret owo.”

Yohanes 19:19

Iru'du' ka'i i Pilatus im pakuan angé esa papang ang kayu salip, si pinatican in tana'i: “Si Yesus, tou Nazaret, Kolano é tou Yahudi.”

Yohanes 21:2

Asi sangando, si Simon Petrus, Tomas si pengatuulen Didimus, si Natanael tou Kana ang Galilea, sé rua toyaang i Zebedeus, wo sé rua murit walina, séra im baya imali'us an tembir in lour itu.

Yohanes 6:42

Icua éra, “Ra'ica réén Sia anio' si Yesus, toyaang i Yusuf? Si amang wo si inang-Na katuusanta. Kéitu réén intarépé' ipakua-Na Sia itu tumumpao mai an sorga owo?”

Yohanes 6:5

An tutuw i Yesus suméré an li'cir-Na, sérén-Na kakeli tou meréro-rérot maai ai Sia. Wo icua-Na a si Filipus, “Am bisa réén e ro'na telesanta ing kakanen, wosama' awéan e ro'na kanen é tou keli anio'?”

Yohanes 6:7

Isowat i Filipus a si Yesus, “Mandé ka'i telesta roti makawééna in dua ngaatus dinar wo iwéténgta a si esa wo si esa mandé mekélé teké'ke', sé walina ra'ica kawéténgan.”

Kisah Para Rasul 10:38

Kailekan iow ka'i sapaoka si Amang Kasuruan imééo i Roh Le'nas wo eng kawasa-Na a si Yesus tou Nazaret, Sia mangé am bisa-wisa wo méma' sé loor wo sumama' pakasa in tou sé kinawasao i kikiiten é sétang ampa'paan si Amang Kasuruan mewali-wali wo Sia.

Kisah Para Rasul 2:22

Éi tou Israel, linganai sumama-sama' en cuaku anio'! Si Yesus tou Nazaret itu ayutuso mai i Amang Kasuruan. Wo kailekanta sapaoka si Amang Kasuruan maké Sia en tumuru' ing kawasa wo ing kakaya'kaan-kakaya'kaan wo tuu-tuus sé ra'io icakua sé mamuali an uner iow.

Kisah Para Rasul 22:8

Isowatku i mamuéi, ‘Si séi réén ko é Tuang?’ Wo en suara itu kumua, ‘Yakuo si Yesus, si tou Nazaret si paoko-okoienmu.’

Kisah Para Rasul 26:9

Indior sa kumiit im basaku in esa, émaanku sapake' mangé en sumundur sé tou makiit si Tou Nazaret makangaran Yesus.

Kisah Para Rasul 3:6

Taan icua i Petrus ai sia, “Yaku ra'ica wana mas wo pérak. Taan sapa si a yaku, siitu em bééku ai co: Ang karapi i ngaran i Yesus Kristus si tou Nazaret itu, tumulung wo maya'o!”