Yohanes 1:38 - En Taar Weru a nunuwu' é Tontemboan

³⁸ Wo si Yesus maréng in somoi, sérén-Na séra mawaya' makiit Sia. Wo wuéien-Na ai iséra, “Sapa réén em paéré-érén iow?” Isowat éra, “Guru, am bisa réén em paento'an-Mu?”

Yohanes 1:38 ပူးပေါင်းရင်းမြစ်များ

Lukas 10:39

Si Marta awéan esa tuari wéwéné makangaran Maria. Tutuw i Yesus am balé éra, si Maria lumukut an duru ing kécéi i Apo' Yesus wo luminga in sususuien-Na.

Lukas 14:25

Asi makasa, keli en tou mawaya' makiit si Yesus. Wo Sia maréng in somoi wo kumua,

Lukas 15:20

Wo sia tumu'tul wo maréng angé a si amangna. Tayangé' im balé, sia kinaséréano i amangna. Wo mai eng kaupusan i amangna wo sia tuméron angé sumungkul si toyaangna itu, ke'kep- enna wo ciomenna.

Lukas 19:5

An tutuw i Yesus icateka'o an duru in tuura in ara itu, kanaten-Na mangé si Zakheus wo icua-Na, “Zakheus, morak tumumpao mai ko! Ampa'paan asi endo anio' Aku musti lumosér am balému.”

Lukas 22:61

Wo si Apo' Yesus suméléng en suméré si Petrus. Wo kata'néiano i Petrus si sumangkumo aicua i Apo' Yesus ai sia, “Ra'ipé' kumukuk si co'ko' asi endo anio', ico makateluo sumangkal Yaku.”

Lukas 8:38

Wo si tou imasama'o itu mekiupus a si Yesus sa woo ro'na énan-Na eng kumiit Sia. Taan sia airu'du'ke' i Yesus maréng, icua i Yesus,

Yohanes 1:37

Sé rua murit i Yohanes sé luminga sapa en aicuana, wo séra mangé kumiit si Yesus.

Yohanes 1:39

Icua i Yesus ai séra, “Mayoo wo sérén iow oka em paento'an-Ku.” Wo séra mangé mewali-wali wo Sia en suméré am bisa em paento'an-Na. An tutuw itu wona' jam ampa im bawaando. Asi sangando itu séra mento' mewali-wali wo Sia.

Yohanes 1:49

Icua i Natanael a si Yesus, “Guru, Ico Toyaang i Amang Kasuruan, Ico Kolano é tou Israel!”

Yohanes 12:21

Sé tou Yunani itu imangé a si Filipus tou Betsaida an sangkum ing Galilea, wo icua éra ai sia, “Tuang, icasalé' ami woo meta'up wo si Yesus.”

Yohanes 18:4

Kailekano i Yesus pakasa sé mamuali oka an owak-Na, ampa'paan in ituo Sia rumior angé wo sumusut iséra. Wuéien-Na, “Si séi réén si paéré-érén iow?”

Yohanes 18:7

Wo wuéien-Na sumawel ai séra, “Si séi réén si paéré-érén iow?” Wo isowat éra, “Si Yesus a Nazaret owo.”

Yohanes 3:2

Asi sangawengi sia mai an tampa i Yesus, wo icuana ai Sia, “Guru, kailekan ami si Guru ayutus i Amang Kasuruan en sumusui ai cami. Ampa'paan, ra'ica wana tou e ro'na méma' sé kakaya'kaan kaputé sé niéma' i Guru, sa si Amang Kasuruan ra'ica mewali-wali wo isia.”

Yohanes 3:26

Wo sé muritna itu mai a si Yohanes wo kumua andumoro' si Yesus, “Tuang Guru, kata'néiané' i guru si Tou si sumangkumo mewali-wali wo si guru an lewet in doyongan Yordan? Si Tou itu si aicua i guru tanu Mesias. Intarépé' Sia ka'i mengabaptis sé tou wo kelio tou sé mangé ai Sia.”

Yohanes 4:31

Ang karoro'an in itu, uwasen é murit-Na Sia eng kuman wo icua éra, “Mayoo kuman é Guru.”

Yohanes 6:25

An tutuw é tou keli icateka' ang Kapernaum, séra meta'up wo si Yesus, icua éra ai Sia, “Guru, kawisa réén si Guru aicateka' mai am bia'i?”

Kisah Para Rasul 10:21

Kelinga in itu, si Petrus tumumpa mio'. An tutuwna meta'up wo sé telu tou itu, icuana, “Yakuo si paéré-érén iow. Sapa réén em basa miow mai am bia'i?”

Kisah Para Rasul 10:29

Ampa'paan in ituo, an tutuw nienot iow aku mai am bia'i, ra'ica icélongku. Intarépé', wuéienku ai camu, kéitu réén kamu itumowa yaku mai am bia'i?”