Yohanes 1:31 - En Taar Weru a nunuwu' é Tontemboan

³¹ Yaku in esa ka'i indior ra'ipé' makatuus Sia tanu Mesias. Taan yaku mai am bia'i e maptis sé tou Israel ang karapi in dano wosama' séra ro'na makatuus si séi Sia.”

Yohanes 1:31 ပူးပေါင်းရင်းမြစ်များ

Matius 3:13

An tutuw itu, si Yesus an sangkum ing Galilea wo mangé an doyongan Yordan. Sia mangé a si Yohanes wosama' Sia ro'na baptisenna.

Matius 3:6

Séra mai mangaku ing kamesé-meséaan éra, wo baptisen i Yohanes séra an doyongan Yordan.

Lukas 1:17

Wo isia en dior maai wo si Casuruan en tumu'tul in lalan em paaian i Casuruan. Em perina wo eng kawasana sa, meputé wo si nabi Elia indior. Wo sia maai e méma' sé ama-amang meeluran wo sé toyaang éra wo sé tou ra'ica le'tek a si Casuruan maréng sumawel maéma' im butul an dior i Casuruan. Tanu siituo si Yohanes tumu'tul in até é tou en sumungkul si Casuruan maai.”

Yohanes 1:30

Siao si sumangkumo aicuaku indior, sapaoka Sia si maai kekawus yaku, Siao en lébé iparangka' mai wo yaku ampa'paan ra'ipé' itumou aku, Sia awéanno.

Yohanes 1:32

Sisil ka'i i Yohanes sapa sé sinérénao in esa wo icuana, “Sinéréku e Roh i Amang Kasuruan tanuoka mombo tumumpa mai an langit owo wo tumeka' am bawo-Na.

Yohanes 1:33

An tutuw itu ra'ipé' katuusanku Sia, taan si Amang Kasuruan si mutus yaku e mengabaptis sé tou ang karapi in dano, icumuao a yaku: ‘Sa sérénmu e Roh itu tumumpa mai an dangka' i esa Tou wo tumeka' am bawo-Na, Sia oka e mengabaptis sé tou ang karapi i Roh Le'nas’.

Yohanes 1:7

Sia mai eng kumua andumoro' in sendot itu a sé im pakasa é tou wosama' lingan éra eng kasairianna wo mercaya in sendot itu.

Kisah Para Rasul 19:4

Wo icua i Paulus ai séra, “Em baptisan i Yohanes itu mamuali tuus sapaoka sé tou imape'diso. En aicua ka'i i Yohanes a sé tou itu sapaoka kekawusna, awéan oka ka'i esa Tou e maai wo séra musti maéman ai Sia, Siao si Yesus.”