Yohanes 1:19 - En Taar Weru a nunuwu' é Tontemboan

¹⁹ Si anioo eng kasairian i Yohanes an tutuw sé kikiiten é tou Yahudi an Yerusalem rumu'du' piraan imam wo tou Lewi mangé mamuéi in tana'i a si Yohanes, “Si séi réén ko?”

Yohanes 1:19 ပူးပေါင်းရင်းမြစ်များ

Yohanes 1:7

Sia mai eng kumua andumoro' in sendot itu a sé im pakasa é tou wosama' lingan éra eng kasairianna wo mercaya in sendot itu.

Yohanes 10:24

Wo sé tou Yahudi mali'usai wo lumi'cir a si Yesus wo icua éra, “Akar kawisa réén iwaya-Mu kami marua-rua wasa? Sa Ko Mesias, icuao mai ai cami tioo ipaene-enep.”

Yohanes 10:31

An tutuw é tou Yahudi luminga si Yesus icumua in taniitu, séra mitong ka'i watu em basa éra mangkil woo Sia.

Yohanes 11:19

Anaé, keli sé tou Yahudi an Yerusalem owo mai a si Marta wo si Maria e mibor iséra in dua ampa'paan si Lazarus poow éra tuama imatéo.

Yohanes 2:18

Wo Sia sunduren é kikiiten agama é Yahudi, “Ang karapi ing kawasa i séi réén Ico méma' in tanu siitu? Sa Ico awéan kawasa asi Amang Kasuruan owo, émaano mai eng kakaya'kaan tanu tuus ai cami.”

Yohanes 2:20

Wo icua é makakawasa Yahudi ai Sia, “Em Balé Le'nas anio' winangun é tou epat ngapulu' enem ngata'un eng kauréna, wo ro'na réén wangunen-Mu sumawel asi teluke' ngando?”

Yohanes 5:10

Ampa'paan in ituo, sé kikiiten é agama Yahudi kumua a si tou si makasama'pé' itu, “Si endo anio' endo Sabat. Sa kumiit in atoran é agama Yahudi, ico ra'ica toro mangkai in tepému.”

Yohanes 5:15

Wo si tou itu mangé a sé kikiiten é Yahudi, icuana sapaoka si Yesuso en sumama' isia.

Yohanes 5:16

Ampa'paan in itu, sé kikiiten é Yahudi rumaméji mokoi si Yesus, ampa'paan sinama'-Na si tou asi endo Sabat.

Yohanes 5:18

Sé nunuwu' itu méma' sé kikiiten é Yahudi lébé rumaméji e maté Sia, ra'icake' ampa'paan Sia ra'ica kumiit in atoran in endo Sabat, taan ka'i ampa'paan Sia icumua sa si Amang Kasuruan itu Amang-Na in esa, wo in taniitu pengapeputé-Na en owak-Na wo si Amang Kasuruan.

Yohanes 6:41

Wo sé tou Yahudi membere-mbereng andumoro' i Yesus, ampa'paan aicua-Na Sia itu kakanen si tumumpao mai an sorga owo.

Yohanes 6:52

Kelinga in itu, sé tou Yahudi meindo-indoan roma' séra wo iséra. Icua éra, “Tambisa réén Sia ro'na méé in owak-Na eng kanenta?”

Yohanes 7:1

Kekawus in itu, si Yesus méma' im bawayaan-Na lumi'cir in sangkum ing Galilea. Ra'ica kiim-Na maangé an sangkum in Yudea ampa'paan sé kikiiten é agama Yahudi am bitu rumaméji maté Sia.

Yohanes 7:11

Asi endo wangko' itu an Yerusalem Sia paéré-érén é kikiiten é agama Yahudi, wo séra membum-buéian, “Am bisa réén Sia?”

Yohanes 7:15

Sé kikiiten é agama Yahudi mangaya-ngaya'ka' luminga in sususuien i Yesus wo icua éra, “Tambisa si Tou anio' taniitu eng kakeli eng kakailekan andumoro' ing Kitap Le'nas? Si Tou anio' ra'ica sumicola tanu icita.”

Yohanes 8:22

Kelinga in itu, sé kikiiten é agama Yahudi kumua, “Sia masalé'o réén wona' maté in owak? Ampa'paano in itu Sia kumua en tampa si angéan-Na kamu ra'ica icaangé.”

Yohanes 8:48

Wo isowat é kikiiten é agama Yahudi a si Yesus, “Wutul em pakua ami anio', Ico tou Samaria wo rinasuko i sétang.”

Yohanes 8:52

Wo icua é kikiiten é agama Yahudi ai Sia, “Intarépé' kailekan ami sa Ico anio' rinasuk i sétang! Si Abraham imatéo wo sé nabi ka'i imatéo, taan pakua-Mu si séike' e makiit i nunuwu'-Mu, sia ra'ica maté akar ing kauré-uré.

Yohanes 8:57

Wo icua é kikiiten é agama Yahudi itu ai Sia, “En umur-Mu ra'ipé' lima ngapulu' ngata'un. Sinéré-Muo réén si Abraham?”

Kisah Para Rasul 13:25

An tutuw en tawoien i Yohanes tawio malekep wo icuana, ‘Sa ciit icamu, si séi réén aku anio'? Ra'ica yaku si Tou si paento-entoon iow. Taan, sérén oka miow! Kekawus yaku, maai oka esa Tou. E muka'ke' in tali in sapatu-Na, yaku ra'ica patus.’

Kisah Para Rasul 19:4

Wo icua i Paulus ai séra, “Em baptisan i Yohanes itu mamuali tuus sapaoka sé tou imape'diso. En aicua ka'i i Yohanes a sé tou itu sapaoka kekawusna, awéan oka ka'i esa Tou e maai wo séra musti maéman ai Sia, Siao si Yesus.”

1 Yohanes 1:5

Si anioo en abar sé liningao ami asi Toyaang-Na wo icua ami ai camu, tana'i: Si Amang Kasuruan itu sendot, wo ai Sia itu uli- ulit ra'ica wana kariréimbengan.