Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yohanes 1:1 - En Taar Weru a nunuwu' é Tontemboan

1 Asi kataré-taré ra'ipé' niéma' i Amang Kasuruan eng kayo'baan anio', en Taar awéano. En Taar itu mewali-wali wo si Amang Kasuruan wo en Taar ituo si Amang Kasuruan.

အခန်းကိုကြည့်ပါ။ ကော်ပီ




Yohanes 1:1
39 ပူးပေါင်းရင်းမြစ်များ  

“En ulitna, si esa mangala'un maowa-owak oka wo itouna oka mai esa toyaang tuama wo ngaranan éra Sia Imanuel.” (En kaangéanna, Si Amang Kasuruan mewali-wali wo icita.)


Susur in endo séra mengaangé am Balé Le'nas e rumayo wo sumiri' si Amang Kasuruan.


Wo en Taar itu mamualio tou wo Sia mento' an unerta. Wo sinérétao eng kawangko'-Na itu, si tinerima-Nao asi Amang owo ampa'paan Sia Toyaang-Na in Esa-esa. Ampa'paan en Taar si mamualio tou itu, kinailekantao andumoro' in upus aitambér i Amang Kasuruan wo in sususuien wutul-Na.


Ra'ica wana tou en sumangkumo suméré si Amang Kasuruan, wayake' si Toyaang-Na Esa-esa. Sia meputé wo si Amang wo susut keli ai Sia. Siao en cumua ai cita andumoro' si séi si Amang Kasuruan itu.


En Taar itu tumo'tolai ing kataré-taré mewali-wali wo si Amang Kasuruan an tutuw eng kayo'baan ra'ipé' niéma'.


Yaku asi Amang owo, wo mai ang kayo'baan anio'. Wo intarépé' itela'u-Ku ka'i eng kayo'baan anio' wo maréng angé sumawel a si Amang-Ku.”


Wo intarépé', o Amang, émaano mai Aku iparayo-rayo wo pasiri-siriin an dior-Mu, ang karapi i rarayo wo en sisiri' si a Yakuo mewali-wali wo si Amang an tutuw eng kayo'baan anio' ra'ipé' niéma'.


Wo icua i Tomas, “Icoo si Tuangku wo ka'i Amang Kasuruanku!”


Isowat i Yesus ai séra, “En ulitna icua-Ku mangé ai camu, tutuw i Abraham ra'ipé' itumou, Yaku anio' awéano.”


Séra itu taranak é apo-apo' é tou Israel. Si Kristus ka'i taranak éra, sa iciit in owak. Siao si Amang Kasuruan si makakawasa am baya-waya, wo iparayo-rayo akar ing kauré-uré. Ulit!


wo tumuru' im pawasa-wasan i Amang Kasuruan a sé pakasa in tou. Em pawasa-wasan-Na itu maatu-atus ngata'un eng kauréna si ayenep-Na si méma' im baya-waya.


En ulitna si Yesus Kristus puté wo si Amang Kasuruan, taan eng kaputé-Na itu ra'ica nianggap-Na tanu in anu-Na si musti penanangen,


Si Kristus itu tanu paséréan pakasa im peri i Amang Kasuruan si ra'ica kaséréan. Si Kristus itu Toyaang-Na luluna si lébé penting asé pakasa sé niéma'-Na.


Ra'ipé' niéma' em baya-waya si Kristus awéano, wo Siao ka'i en tumu'tul pakasa in itu an tampana asi esa wo si esa.


Indior en sususuien wutul itu ra'ica kailekan é tou, taan intarépé' sé icaenep andumoro' in sususuien wutul sé ra'io cakua itu, winuka'o i Amang Kasuruan. Sé icaenep itu tana'i: “Si Yesus imayo wo mamualio tou, wo aituru' i Roh Le'nas sapaoka Sia itu wutul. Sia mapaturu'o in owak-Na a sé malaékat, wo en sisisilen andumoro' Sia itu icaseraro a sé bangsa. Wo Sia émanen é pakasa ing kayo'baan, wo Sia niangkaio mangé an sorga ang karapi i rarayo wo in sisiri'.”


Émaanta waya en itu ang karoro'anta mengento-ngento'pé' wo maarap in endo i Casuruan maai sumawel. Sia itu si Amang Kasuruan mangko-wangko', Siao si Yesus Kristus si Lumolowirta. Sia maai wuta i rarayo wo in sisiri' wo maali mai ing kamang ai cita im baya.


Si Yesus Kristus kasake' puté, indior, intarépé' wo akar ing kauré-uré.


En andumoro' i Melkisedek anio' ra'ica wana en sisisilen si séi si amang wo si inangna, wo si séi sé apo-apo'na, wo kawisa eng ketouna wo kawisa eng kepaténa. Anaé, sia kasake' mamuali imam akar ing kauré-uré, kaputé i Toyaang i Amang Kasuruan.


En surat anio' a yaku owo, Simon Petrus. Yaku anio' ata wo ruru'du'an i Yesus Kristus. Ipaticku en surat anio' ai camu sé maémano a si Yesus Kristus kaputé ami. Si Yesus Kristus itu Amang Kasuruan wo Lumolowirta. Sia iméma' icamu maéman ampa'paan si pengaémaan-Na wutul wo ra'ica marapit.


Kailekanta ka'i sa si Toyaang i Amang Kasuruan imayo wo mééo ing kakailekan ai cita wosama' katuusanta si Amang Kasuruan si Wutul. Wo kita menonou meesao wo si Amang Kasuruan si Wutul itu, ampa'paan kita esa wo si Toyaang-Na Yesus Kristus. Si Yesus itu Kasuruan si Wutul wo Siake' e méma' sé tou ro'na menonou akar ing kauré-uré.


Wo awéan telu e mawéé ing kasairian sapaoka si Yesus itu Toyaang i Amang Kasuruan [an sorga: si Amang, Taar, wo Roh Le'nas. Wo sé telu itu méé kasairian meputé.


En téngéna tana'i, “Ipatico mio' an esa kitap pakasa sé sinérému. Kekawus in itu, icirimmu mangé a sé pitu jamaat anio': jamaat an Efesus, an Smirna, am Pergamus, an Tiatira, an Sardis, an Filadelfia wo an Laodikia.”


An tutuwku isuméré Sia, icakepao aku tanuoka tou imaté an dior ing kécéi-Na. Wo iweta'-Na eng kama kakan a yaku wo icua-Na, “Tioo maindé'! Yaku anio' Si Kumataré wo Si Ka'karan,


Wo si Yohanes méé ka'i ing kasairian andumoro' im pakasa sé sinéréna, siituo sé andumoro' in Taar i Amang Kasuruan wo ka'i sé andumoro' ing kasairian i Yesus Kristus.


Si Amang Kasuruan icumua in tana'i, “Yaku anio' Alfa wo Omega, si awéano indior, si awéan intarépé' wo si maai sa, wo Yaku ka'i Si Makakawasa.”


Sia makapaké in juba si airames an enda'. Wo e ngaran-Na “Taar i Amang Kasuruan”.


“Ipatico mio' a si malaékat si mengatéir in jamaat an Smirna. Si anioo en taar asi Kumataré wo Si Ka'karan, si matéo wo tinou sumawel:


Icua-Na ka'i a yaku, “Pakasa imamualio. Yakuo si Alfa wo si Omega, si Kumataré wo si Ka'karan. Si séike' si maré'om, sia wéan-Ku oka elepen si asalo aitambér, asi palemboian in dano si mawéé ing katouan.


Yakuo si Alfa wo Omega, Si Kataré-taré wo Si Sumomo-somoi, Si Kumataré wo Si Ka'karan.”


“Ipatico mio' ka'i a si malaékat si mengatéir in jamaat an Laodikia. Si anioo en taar asi Ulit owo, Sairi le'tek wo wutul, palemboian im pakasa sé niéma' i Amang Kasuruan:


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ