Yakobus 5:19 - En Taar Weru a nunuwu' é Tontemboan

¹⁹ Poo-poowku, sa awéan esaan angé ai camu, indior makiit in sususuien wutul i Casuruan taan intarépé' isumélé'kowo asi sususuien wutul itu, uli-ulit loor woo sa awéan tou en tumawang isia e maréng sumawel a si sususuien wutul i Casuruan itu.

Yakobus 5:19 ပူးပေါင်းရင်းမြစ်များ

Matius 18:15

“Sa si poow iow esa paémanen méma' ing kamesé-meséaan ai camu, lébé loor mangéo icua miow eng kamesé-meséaan si niéma' i poow iow itu. Wo sa pangakun i poow iow eng kamesé-meséaanna, tantu icamu wo isia mensamaano, en iitu tanu kinéréano miow sumawel sia.

Lukas 22:32

Taan aisombayang-Kuo ko é Simon, wosama' ko tatap maéman a Yaku. Kekawus im pangepé'an anio' wo sa ko mape'diso wo maémano sumawel a Yaku, ico musti méé ing kaincayaan a sé poo-poowmu akar em paémanen éra makaketer.”

Galatia 6:1

Poo-poow, sa si esa tou an uner iow kinakailekan méma' ing kaséaan, kamu sé menonou pakaakinen i Roh Le'nas, musti akinen iow si tou itu an lalan wutul ang karapi ing ko'kos en até. Wo téirano en owak iow in esa wosama' ra'ica katawéran im pangepé'an kaputé i tou méma' ing kaséaan itu.

1 Timotius 6:10

Icuaku in taniitu ampa'paan, sa sé tou longi' in doit, am bituo en tino'tolan ing kaléwo-léwo'an. Séra ka'i ra'io masalé' kumiit in sususuien i Yesus ampa'paan séra rumaméji masiya'. Wo eng kasiwakanna séra makéré keli kawenduan e méma' in até éra sumakit.

1 Timotius 6:21

Awéan piraan tou makiit in sususuien sé pakua éra “kapinteran”, ampa'paan ituo séra ra'io maéman ka'i a si Yesus. Pangilekenku a si Amang Kasuruan wosama' Sia tumambérai ing kamang ai camu.

2 Timotius 2:18

Séra in dua itu isumélé'kowo a si sususuien wutul. Pengasusui éra sapaoka sé tou imatéo, tinouo sumawel i Amang Kasuruan, anaé ra'io wana tou en touené' sumawel. Wo em pengasusui éra itu, lumicokoo piraan tou sé maémano a si Yesus.

Ibrani 5:2

Si imam wangko' itu asaloke' tou wo keli eng kalembian, ampa'paan in ituo ro'na kailekanna ka'i eng kalembian é kakéléna tou sé ra'ipé' makailek sapa-sapa wo sé sélé'kow.

Yakobus 1:16

Poo-poow sé icaupusku! Tioo kamu icasélé'kow.

Yakobus 1:19

Poo-poow sé icaupusku! Musti ta'néien iow in andumoro' sé anio': Sa awéan tou ang karoro'an imaroma' lingan owo em pakuana. Tioo taporak manuwu' wo tioo taporak mae'bow.

Yakobus 3:14

Taan sa en até miow awéan em panganaten wo menonou ang katoronaanke' in owakna in esa, tioo kamu tirayo wo tioo matowo eng kumua sa kamu itu awéan kapinteran asi Casuruan owo, wo in taniitu ra'ica toro sélé'kow iow en sususuien wutul.

Yakobus 5:20

Ta'néien iow en anio': Si tou e makin sumawel si tou meséa' tumela'u in lalan sélé'kow, niéma'nao e mu'kur i tou itu lowiren oka am papaté wo niéma'nao eng kamesé-meséaan i tou itu niampungan.

2 Petrus 3:17

Taan kamu é poo-poow sé icaupusku, kailekano miow andumoro' sé itu. Ampa'paano in itu, mareti-retio mangé in sususuien é guru ra'ica wutul itu, wosama' kamu ra'ica kumiit in sususuien éra wo kamu ra'ica mekar im paémanen iow.

Yudas 1:11

Icawangkuro mio' séra! Ampa'paan séra kumiito in lalan si suméa' meputé wo in lalan si kiniit i Kain. Séra ka'i mengaéma' ing kamesé-meséaan tanu si Bileam imengaéma' ing kamesé-meséaan si masalé-salé'ke' makéré roit. Wo séra patén ampa'paan masundur si Casuruan kaputé i Korah.