Yakobus 5:17 - En Taar Weru a nunuwu' é Tontemboan

¹⁷ Si Elia tou kaputéta. Sia uli-ulit masombayang mangilek ra'ica toro muran, wo uli- ulit tuu ra'ica tumumpa en uran ang kayo'baan telu ngata'un wo enem ngaserap eng kauré.

Yakobus 5:17 ပူးပေါင်းရင်းမြစ်များ

Lukas 4:25

Taan icua-Ku ai camu sé uli-ulit mamuali, tana'i: Indior an jaman i nabi Elia, linémpen i Amang Kasuruan en langit wo telu ngata'un enem ngaserap eng kauré ra'ica imaura-uran am pakasa in tana' Israel wo ka'i tinena ing kaareman wangko'. Asi témpo itu ka'i a mangé mbitu kelian wéwéné balu.

Kisah Para Rasul 10:26

Taan timboian i Petrus eng kama i Kornelius wo wésoonna en tumulung wo kumua, “Tumulungo, yaku anio' kakélému in tou.”

Kisah Para Rasul 14:15

“Éi camu im baya, kéitu réén kamu méma' in tana'i? Kami anio' tou kaputé miow. Kami am bia'i eng kumua in Abar Kaaruien andumoro' i Yesus Kristus ai camu, wosama' kamu ro'na tumela'u sé opo-opo' sé ra'ica wana torona wo kamu maémano mangé a si Amang Kasuruan si menonou. Siao si méma' in langit wo ing kayo'baan, ta'sic wo im pakasa sé an untepna.

Roma 11:2

Sé tou sinisir-Nao tumo'tolke' mai indior ra'ica aicélong i Amang Kasuruan. Tantu kailekano miow sapa en aipatic ang Kitap Le'nas, an tutuw i nabi Elia kumelak a si Amang Kasuruan andumoro' é tou Israel,

Wahyu 11:6

Wo séra in dua awéan kawasa en lumémpen in langit wosama' ra'ica muran ang karoro'an éra makua i nunuwuun i Amang Kasuruan. Séra awéan kawasa ka'i méma' im palemboian in dano mamuali enda', wo kawasa e méma' pakasa ing kawangkuran ang kayo'baan, kawisake' en itu icasalé' éra émaan.