Yakobus 5:16 - En Taar Weru a nunuwu' é Tontemboan

¹⁶ Ampa'paan in ituo, mangakuo mangé ing kamesé-meséaan asi esa wo si esa wo menson-sombayangano mangé wosama' kamu masama'. En sombayang é tou mengaéma' im butul uli-ulit wangko' eng kawasana.

Yakobus 5:16 ပူးပေါင်းရင်းမြစ်များ

Matius 21:22

Anaé, sapake' em pangileken iow an sombayang wo uli-ulit percayan iow, tantu sapa em pinangilek iow teriman iow oka.”

Matius 3:6

Séra mai mangaku ing kamesé-meséaan éra, wo baptisen i Yohanes séra an doyongan Yordan.

Markus 1:5

Wo sé tou am pakasa in sangkum in Yudea wo pakasa in tou an Yerusalem mai a si Yohanes. Séra mangaku ing kamesé-meséaan éra wo séra baptisen i Yohanes an doyongan Yordan.

Lukas 9:6

Kumawus in itu sé murit i Yesus mangé an doo-roong eng kumua in Abar Kaaruien i Amang Kasuruan wo ka'i sumama' in sakit é tou am bisake' en angéan éra.

Yohanes 9:31

Kailekanta sapaoka si Amang Kasuruan ra'ica luminga sé tou iméma' ing kamesé-meséaan, taan en lingan-Na si séike' mangé si uli-ulit mengasiri' Sia wo si mengaéma' ing kasalé'an-Na.

Kisah Para Rasul 10:38

Kailekan iow ka'i sapaoka si Amang Kasuruan imééo i Roh Le'nas wo eng kawasa-Na a si Yesus tou Nazaret, Sia mangé am bisa-wisa wo méma' sé loor wo sumama' pakasa in tou sé kinawasao i kikiiten é sétang ampa'paan si Amang Kasuruan mewali-wali wo Sia.

Kisah Para Rasul 19:18

Kelian sé ai séra e mamuali tou maéman, mai wo mangaku an dior é tou keli sapaoka séra sumangkumo mengéma-ngéma' tanu siitu.

Kisah Para Rasul 8:24

Isowat i Simon ai séra, “Tuang-tuang, isombayango mangé aku a si Casuruan wosama' si aicua miow a yaku ra'ica mamuali.”

Roma 3:10

Tanu in aipatic ang Kitap Le'nas tana'i, “Ra'ica wana tou e nianggap wutul, mandé esake'.

Roma 5:19

Anaé, ampa'paano si esa tou ra'ica le'tek a si Amang Kasuruan, pakasa en tou imamualio tou ang kamesé-meséaan, taniitu ka'i ampa'paano i esa Tou si le'tek a si Amang Kasuruan, pakasa en tou nianggap wutul i Amang Kasuruan an dior-Na.

Kolose 1:9

Ampa'paano in itu, tumo'tolai kami luminga andumoro' miow, kami ra'ica mento' menomba-nombayang torona miow. Pekiupusen ami a si Amang Kasuruan wosama' kamu wéan-Na mai ing kapinteran wo ing kakailekan wutul, wosama' sapa sé icasalé'-Na, kailekan iow im butul.

1 Tesalonika 5:17

wo musti menomba-nombayang.

1 Tesalonika 5:23

Pangileken ami a si Amang Kasuruan wosama' émaan-Na eng katouan iow male'nas. Siao ka'i méma' icita menonou ang kaeluran. Pangileken ami ka'i téiran-Na mai en owak, en até wo e mu'kur iow wosama' an tutuw si Apo'ta Yesus Kristus maai sumawel, kamu ra'ica wana kaséaan ampa'paan kamu ra'ica iméma' ing kameséaan sapa-sapa.

1 Tesalonika 5:25

Poo-poow, pangileken ami ai camu isombayang angé kami.

Ibrani 11:4

Ampa'paan si Habel awéan paémanen, sia méé raragés binatang pinokol asi Amang Kasuruan sé lumoorai wo i raragés aiwéé i Kain. Ampa'paan si Habel awéan paémanen, akar sia tinerima i Amang Kasuruan tanu tou si nianggap wutul wo e raragés aiwééna tinerima i Amang Kasuruan. Mandé si Habel uréo imaté, taan ampa'paan im paémanenna, sia tanu maroma'pé' ai cita akar intarépé'.

Ibrani 11:7

Ampa'paan si Nuh awéan paémanen, sia kinuanan i Amang Kasuruan sapa sé mamuali oka sa, sé ra'ipé' sumangkum ako sinéréna, wo ang karapi ing katale'tekanna émaanna esa kapal wangker en lumowir sé pamaléna asi sonop wangko'. Wo in taniitu ituru'na sapaoka sé tou ang kayo'baan patus ukumen, wo sia in esa tinerima i Amang Kasuruan tanu tou nianggap wutul ampa'paan im paémanenna.

Ibrani 12:13

Wo maya'o mangé an lalan rondor wosama' sé kénto' ra'ica ka'i cawiles taan ro'na masama'.

Ibrani 13:18

Ipenomba-nombayango mangé kami. Ampa'paan percayan ami en até ami uli-ulit weresi, ampa'paan am baya-waya kami masalé' mengéma-ngéma' sapa sé loor.

1 Petrus 2:24

Sia in esa imuléngo ing kamesé-meséaanta an owak-Na, an tutuw-Na imaté ang kayu salip. Wo in taniitu kita icawekar asi kawasa ing kamesé-meséaan, wo menonou e méma' ing kasalé'an i Amang Kasuruan. Sé péla-péla'-Na ituo e iméma' icita masama'.

1 Yohanes 3:22

Wo sapake' em pangilekenta ai Sia, kéréanta oka, ampa'paan paémaanta waya em perénta-Na wo ka'i maéma' sapa si mengaarui in até-Na.