Yakobus 5:13 - En Taar Weru a nunuwu' é Tontemboan

¹³ Sa awéan esaan angé ai camu meta'up ing kawenduan, aweso taré sia sumombayang. Sa awéan tou arui en até, aweso taré sia kumantar rumayo si Casuruan.

Yakobus 5:13 ပူးပေါင်းရင်းမြစ်များ

Matius 26:30

Kekawus éra kumantar ing kakantaren rarayoan wo si Yesus wo sé murit-Na mangé an Tolaina in Zaitun.

Lukas 22:44

Wo si Yesus mendam tambisa eng kauterna ing kawenduan wo maindé', anaé Sia lébé mauli-ulit masombayang. Wo en limuut-Na mamuali tanuoka enda' matiis an tana'.]

Lukas 23:42

Wo icuana a si Yesus, “Yesus, ta'néienai aku, sa Ko maai tanu Kolano sa.”

1 Korintus 14:15

Anaé, sapa si musti émaanku? Si anio' en émaanku: Yaku ro'na sumombayang a rohku owo maké nunuwu' i Roh, wo ka'i aku ro'na sumombayang maké i nunuwuun si ro'na kaangéan i ngaasku. Wo aku ro'na kumantar a rohku owo, wo ro'na kumantar maké i nunuwuun a ngaasku owo.

1 Korintus 14:26

Anaé é poo-poow, sapa eng kaangéan im pakasa in itu? An tutuw iow mali'us mewali-wali i maapo', awéan sé tou makantar ing kakantaren marayo si Amang Kasuruan, awéan sé tou masusui, awéan sé tou makua i nunuwu' i Amang Kasuruan, awéan sé tou maroma' mapaké i nunuwu' i roh, wo awéan ka'i sé matutur ing kaangéan i nunuwu' i roh itu. Musti émaan iow pakasa en itu en sumusui wo torona ing kalooran iow im baya.

Efesus 5:19

Mengkuanano mangé kamu i esa wo sé walina ang karapi i mazmur, kakantaren rarayoan wo kakantaren walina si aiwéé mai i Roh Le'nas. Kumantaro wo aruieno mangé si Casuruan ang karapi in lekep en até.

Ibrani 5:7

An tutuw i Yesus menonou tanu tou ang kayo'baan, Sia masombayang wo mapekiupus ang karapi imaangko' maamé' a si Amang Kasuruan si makawoo lumowir Sia am papaté. Ampa'paan Sia le'tek wo wuta in siri' a si Amang Kasuruan, akar en sombayang-Na lininga.

Yakobus 5:10

Poo-poow, ta'néieno mangé sé nabi indior sé makua in taar i Casuruan. An tutuw itu séra meta'up ing keli kawenduan, taan séra kasake' talesen. Anaé, kiiteno mangé eng katalesenan éra itu.

Wahyu 14:3

An dior im palukutan pasiri-siriin wo an dior é epat mahluk wo sé matu'a itu, sé sangaatus epat ngapulu' epat ngariwu tou makantar esa kakantaren weru. Ra'ica wana esaan tou ka'i e ro'na majar ing kakantaren itu, aluar iséra. Séra ituo sé tou sé tinu'buso i Amang Kasuruan ang kayo'baan anio'.

Wahyu 7:10

Ang karapi in taangko' icua éra, “Eng kalowiran itu asi Amang Kasuruan ami owo si makalukut am palukutan pasiri-siriin wo asi Toyaang i Domba.”