Yakobus 4:8 - En Taar Weru a nunuwu' é Tontemboan

⁸ Rumaméjio mangé rumuru a si Amang Kasuruan, wo kamu rurun-Na oka mai. Wu'asanno mio' eng kama miow, éi kamu sé tou iméma' ing kamesé-meséaan! Le'naseno mangé en até miow, éi kamu sé marua-rua até.

Yakobus 4:8 ပူးပေါင်းရင်းမြစ်များ

Matius 12:33

Sa en tuura icua miow loor, tantu loor ka'i em bua'na, taan sa en tuura icua miow ra'ica loor tantu ra'ica loor ka'i em bua'na. Ampa'paan asi wua'na ituo kailekanta en tuurana.

Matius 15:2

“Kéitu réén sé murit i Tuang ra'ica makiit ing kanaramen é apo-apo'ta? Séra kuman ra'ica mu'as ing kama.”

Matius 27:24

Kailekano i Pilatus sapaoka pakasa e niéma'na ra'ica wana torona wo ka'i sé tou tumo'tolo maéma' ing kalicokoan, wo sia mindo rano, mu'as ing kamana an dior é tou keli wo icuana, “Ra'- ica wana eng kameséaanku andumoro' im papaté i Tou anio', en itu urusan iow in esa.”

Kisah Para Rasul 15:9

Si Amang Kasuruan ka'i ra'ica masisir in tou, tou Yahudi kuma'pa tou ra'ica Yahudi. Line'nas-Nao en até éra ampa'paan maémano a si Yesus.

2 Korintus 7:1

Poo-poow sé icaupusku, pakasa en janji itu aituru' ai cita. Ampa'paan in itu mayo kita meresi in owak asé im pakasa sé mengakotor in owak wo i rohta. Wo mayo kita menonou le'nas torona i Amang Kasuruan ang karapi in lekep wo maindé'o mangé ai Sia.

1 Timotius 2:8

Ampa'paano in itu, icasalé'ku wosama' am bisa-wisake' sé tuama mengasombayang angé ang karapi in até weresi a si Casuruan, ra'ica ang karapi in e'bow wo meindoan roma'.

Ibrani 10:22

Ampa'paan in itu mayoo kita rumuru mangé a si Amang Kasuruan ang karapi in lekep en até wo uli-ulit maéman ai Sia. Ampa'paan en atéta wineresio in enda' i Kristus akar male'nas asi kaléwo'anta, wo en owakta tanuoka winu'asano in dano weresi.

Ibrani 7:19

Ampa'paan en ukum Torat ra'ica ro'na méma' si séike' e mamuali lekep an dior i Amang Kasuruan. Taan intarépé' kita winéano mai i Amang Kasuruan arapan lébé loor, si méma' icita rumuru mangé ai Sia.

Yakobus 1:8

Ampa'paan si tou marua-rua até, em pakawerotna ra'ica le'tek a si Casuruan, siituo eng katouanna ra'ica elur.

Yakobus 3:17

Taan si tou awéan kapinteran asi Amang Kasuruan owo itu, tana'i: Kataré sia menonou ang karapi in até weresi wo masalé' meelu-eluran wo sé tou, sama' a sé tou, téés, wuta ing kaupusan a sé tou wo mengéma-ngéma' andumoro' sé loor, ra'ica marapit wo ra'ica punek.

1 Petrus 1:22

Kamu lume'naso in owak iow ang karapi in le'tek mengaéma' in sususuien wutul i Amang Kasuruan, akar kamu makawoo mengaupus sé poo-poow an esa paémanen ang karapi i mauli-ulit. Anaé sina'uenku kamu wosama' kamu meupu-upusan ang karapi in lekep en até.

1 Petrus 3:21

Si sonop wangko' an tutuw itu, andéan im baptisan intarépé'. Em baptisan itu pengatuus sapaoka kamu linowiro i Amang Kasuruan ampa'paano tinou-Na sumawel si Yesus Kristus. Em baptisan itu ra'ica i meresi sé kotor an owak iow, taan i mangilek a si Amang Kasuruan wosama' en até miow weresi.

1 Yohanes 3:3

Sé tou maarap tanu siitu ai Sia, musti téiranna sumama-sama' eng katouanna wosama' le'nas meputé wo si Kristus itu le'nas.