Yakobus 4:7 - En Taar Weru a nunuwu' é Tontemboan

⁷ Ampa'paano in itu, male'te-le'teko mangé a si Amang Kasuruan wo kiiteno mangé Sia. Sundureno mangé ka'i si kikiiten é sétang, wosama' sia tumayang oka ai camu.

Yakobus 4:7 ပူးပေါင်းရင်းမြစ်များ

Matius 11:29

Wuléngeno em pamuléngen si aiwuléng-Ku am palukamu wo mekisusuio mai a Yaku, ampa'paan Aku sama' wo ko'kos en até. Wo in taniitu kamu mendam oka ing kaeluran.

Kisah Para Rasul 26:19

Kolano Agripa si pasiri-sirinku, an tutuw-Na imapaturu' in owak-Na a yaku, yaku tatap le'tek mengaéma' im perénta si aiwéé i Apo' Yesus.

Kisah Para Rasul 9:6

Taan intarépé' tumulungo ko wo muntepo an Damsyik. A mangé mbitu awéan oka eng kumua ai co, sapa si musti émaanmu.”

Roma 10:3

Ampa'paan ra'ica kailekan éra tumambisa em butul wosama' anggapen wutul i Amang Kasuruan, akar séra rumaméji kumiit in lalan éra in esa ang karapi i mengaéma' in ukum Torat, ampa'paan in itu séra ra'ica le'tek kumiit in lalan aituru' i Amang Kasuruan.

Roma 14:11

Ang Kitap Le'nas awéan aipatic in tana'i, “Yaku si Amang Kasuruan, Yaku wutu-wutul menonou, wo pakasa en tou maai oka kumundu rumayo wo sumiri' an dior-Ku, wo pakasa en tou mangaku oka sapaoka Yakuo si Amang Kasuruan.”

Efesus 4:27

wo tioo pengawéan témpo a si kikiiten é sétang en tumawér icamu.

Efesus 5:21

Wo ko'kosio' en atému iesa wo sé walina, ampa'paan kamu tou sé mengasiri' si Kristus.

Efesus 6:13

Ampa'paan in itu, pakéno mangé waya em pakakas im paperang asi Amang Kasuruan owo, wosama' kawooan iow en sumundur asi endo léwo' itu wo kamu kasake' keter kekawus iow merang.

Ibrani 12:9

Kita awéan amang ang kayo'baan. Kita patepianna wo sia pasiriinta. Wopé'taré si Amang Kasuruan, Amangta an sorga, Amang é pakasa é roh. Kita musti lume'te-le'tek angé ai Sia wosama' kita ro'na menonou akar ing kauré-uré.

1 Petrus 2:13

Kamu sé makiit si Casuruan musti male'te-le'tek angé a sé maperénta si makatimboi ing kawasa. Male'te-le'tek angé a si colano si makatimboi ing kakawasaan rumangka-rangka',

1 Petrus 5:6

Ampa'paan in ituo, ko'koso mio' en owakmu an dior i Amang Kasuruan si kumete-keter, wosama' asi oras si aitantu-Nao, irangka'-Na oka kamu.