Yakobus 4:3 - En Taar Weru a nunuwu' é Tontemboan

³ Kuma'pa kamu masombayang taan ra'ica imakéré sapa-sapa ampa'paan em paawo-awon iow an sombayang suméa'. Em pinangilek iow itu asaloke' masalé' ka'pun iow e marui in owak iow in esa.

Yakobus 4:3 ပူးပေါင်းရင်းမြစ်များ

Matius 20:22

Taan isowat i Yesus ai séra, “Ra'ica kailekan iow sapa em pinangilek iow. Makawoo réén kamu melep asi paelepan si musti elepen-Ku?” Wo isowat éra, “Én kawooan ami.”

Markus 10:38

Icua i Yesus ai séra, “Ra'ica kailekan iow sapa em pinangilek iow. Makawoo réén kamu melep asi paelepan si musti elepen-Ku kuma'pa baptisen tanu im baptisan si musti teriman-Ku?”

Lukas 11:10

Ampa'paan susur in tou i mangilek tumerima oka, wo susur in tou i mangéré makéré oka, wo susur in tou en tuméngkor im papalen wukaan oka.

Lukas 15:13

Asaloke' maya' im piraan ngando wo iwangkér waya i toyaang ka'karan em bagéanna itu wo sia mangé an esa roong tumaya-tayang. A mangé mbitu sia menonou asaloke' makiit ing kasalé'anna sé ra'ica loor wo menga'pu-nga'puke' in doit.

Lukas 15:30

Si toyaang i amang itu kuma'puo ing kasiyaan i amang ang karapi é wéwéné sundal. Taan an tutuw sia maréngai, si amang mokol sapi wo'bas kemel iwéé ai sia!’

Yakobus 4:1

Kéitu réén kamu meindo-indoan roma' wo meréndé-réndéran? Ra'ica réén ampa'paan ing kasalé-salé'an sé ra'ica loor imapetokol an owak iow?

1 Yohanes 3:22

Wo sapake' em pangilekenta ai Sia, kéréanta oka, ampa'paan paémaanta waya em perénta-Na wo ka'i maéma' sapa si mengaarui in até-Na.

1 Yohanes 5:14

Wo kita ra'ica maindé' meta'up wo Sia, ampa'paan sa kita sumombayang kumiit ing kasalé'an-Na, percayanta lingan-Na oka sapa em pangilekenta.