Yakobus 4:15 - En Taar Weru a nunuwu' é Tontemboan

¹⁵ En ulitna musti icua miow tanu si anio', “Sa icasalé' i Casuruan, kami ro'na menonou wo méma' in anio' kuma'pa in itu.”

Yakobus 4:15 ပူးပေါင်းရင်းမြစ်များ

Kisah Para Rasul 18:21

Mandé ka'i taniitu, cuana, “Sa énan i Amang Kasuruan, tantu aku maréng oka mai sumawel ai camu.” Kumawus in itu, itela'una en Efesus.

Roma 1:10

Uréo aku masalé' maangé ai camu, ampa'paan in ituo aku mekiupus a si Amang Kasuruan, sa woo wéan-Na mai kaloasan aku intarépé' e maangé ai camu.

Roma 15:32

Wo sa mémang icasalé' i Amang Kasuruan, ro'nao aku maangé ai camu ang karapi in arui en até, wo aku makéré ing kaketeran im paémanen an uner iow.

1 Korintus 16:7

Ampa'paan ra'ica kiimku sa aku maangé suméré icamu tanuke' itumuli. Arapenku woo sa icasalé' i Casuruan, yaku ro'na mento' uré-uréan toyo' ang karapi miow.

1 Korintus 4:19

Taan sa icasalé' i Casuruan, aku makala'us oka mai ai camu. Sa yaku mayo ai camu, yaku ra'ica mai mangéré sapa sé ipakua é tou tirayo itu taan pangérénku oka sa séra awéan kawasa asi Casuruan owo kuma'pa ra'ica.

Ibrani 6:3

Sa énan i Amang Kasuruan, lala'ustao asi sususuien e rumangka'mai.

Yakobus 4:16

Taan em pakanuwu' miow taloso taré tirayo e mengaangkai in owak iow in esa. Em pakanuwu' tanu siitu suméa'.