Yakobus 3:4 - En Taar Weru a nunuwu' é Tontemboan

⁴ Awéan ka'i andéan walina tanumai ing kapal wangker. Mandé ka'i eng kapal itu wawangkeran wo iwali in deges repet, taan ro'na kaatoran ing kamudi tumeki-tekic kumiit ing kasalé'an i nakoda.

Yakobus 3:4 ပူးပေါင်းရင်းမြစ်များ

Matius 11:27

Wo icua i Yesus, “Pakasa aisarakano i Amang-Ku a Yaku. Ra'ica wana mandé esake' tou e makatuus si Toyaang, aluar si Amang in esa. Wo ka'i ra'ica wana mandé esake' tou e makatuus si Amang, aluar si Toyaang wo sé tou si papatuus-Ku oka a si Amang.

Matius 8:24

Tumarépé'anke', rumegesai en deges repet keli an lour itu, akar en londéi itu tawio tuminep, taan si Yesus kinakili'an.

Kisah Para Rasul 27:11

Taan si Yulius si perwira itu ra'ica kiim luminga si Paulus, sia lébéke' mercaya si mawali ing kapal wo si makaanu ing kapal itu.

Yakobus 3:3

En andéanna si cawayo: Sa em ba'ba'na pinakéano songkom wo wina'kesano in tali léis wo wésoonta en tali léis itu, tantu si cawayo kumiit ing kasalé'anta. Wo in taniitu si cawayo ro'na peréntanta.

Yakobus 3:5

Taniitu ka'i en lila'ta. En lila'ta itu waya in tekic an owakta, taan sia ro'na tumirayo numuwu' andumoro' sé wawangkeran. Taniitu ka'i wo en api, mandé en api waya in tekic, ro'na luma'ung in talun wawangkeran.