Yakobus 2:8 - En Taar Weru a nunuwu' é Tontemboan

⁸ Sa émaan iow en ukum kumataré-taré si aipatic ang Kitap Le'nas, “Mengaupuso mangé sé tou walina, meputé kamu mengaupus in owak iow in esa!”, kamu iméma'o im butul.

Yakobus 2:8 ပူးပေါင်းရင်းမြစ်များ

Matius 22:39

Wo si ukum karua si puté wo siitu, ‘Mengaupus angé sé kakélému in tou meputé kamu mengaupus in owak iow in esa.’

Matius 25:21

Wo icua i tuangna, ‘Wutu-wutul loor e niéma'mu itu. Ico ata loor wo le'tek a yaku. Ampa'paan ko ro'na tinokéan andumoro' sé teké', tokéanku oka ka'i ko andumoro' sé tawoien wangker. Muntepo mai ko wo mayo maaru-arui ang karapiku!’

Matius 25:23

Wo icua i tuangna, ‘Loor ulit e niéma'mu itu. Ico ata loor wo le'tek a yaku. Ampa'paan ko ro'na tinokéan andumoro' in tawoien teké', tokéanku oka ka'i ko andumoro' sé tawoien wangker. Muntepo mai ko wo mayo maaru-arui ang karapiku!’

Matius 7:12

Sapa sé icasalé' miow émaan é tou walina ai camu, tanu siituo si musti émaan iow a sé tou itu. Siituo en sususuien ang kitap Torat wo ang kitap é nabi.”

Roma 13:10

Si tou mengaupus sé kakélé tou, ra'ica mengaéma' in léwo' a sé kakélé tou. Anaé, si tou mengaupus sé kakéléna tou, niéma'nao em perénta-perénta an ukum Torat.

Galatia 5:14

Ampa'paan pakasa sé an atoran in ukum Torat linekepo asi esa perénta anio': “Icaupuso mangé sé kakélému tou, kaputé ico mengaupus in owakmu in esa!”

Galatia 6:2

Sa awéan an uner iow meta'up ing kawenduan, mensén-sémbongano mangé kamu tumanggong im pamuléngen itu! Wo in taniitu kamu icumiito in ukum i Kristus andumoro' i meupu-upusan.

Filipi 4:14

Mandé ka'i in taniitu, yaku tinawa- ngo miow an tutuwku ang kawenduan intarépé'. Wo sapa sé niéma' miow itu loor.

1 Tesalonika 4:9

Wo en andumoro' i meupu-upusan wo sé poo-poow maéman, werotenku kamu ra'io sangali susuian ampa'paan en itu aisusuio i Amang Kasuruan tambisa e meupu-upusan.

Yakobus 1:25

Taan en tou sé mati'tir in ukum si lumeke-lekep, awéan kawasa e mekar sé tou sé iméma' ing kamesé-meséaan, si tou itu kasake' le'tek an ukum itu wo ka'i pengaémaanna, ra'ica asalo iluminga wo ilupana. Si tou tanu siitu kamangen oka ampa'paan sapa sé paémaanna.

Yakobus 2:12

Ampa'paano in itu, mareti-retio mangé sa numuwu' wo am pengaémaan. Ampa'paan kamu akimen oka iciit in ukum-ukum sé imekar icamu ang kamesé-meséaan.

Yakobus 2:19

Percayan iow sapaoka waya in esa si Amang Kasuruan, en itu loor! Taan sé sétang ka'i mercaya andumoro' in itu wo séra gume'ger in indé'.

Yakobus 4:11

Poo-poowku, tioo kamu si esa wo si esa mengawuruk i ngaran é tou. Si séi e muruk i ngaran i poowna esa paémanen kuma'pa tumudu meséa', en itu meputé imuruko wo imééo séa' in ukum i Amang Kasuruan. Wo in taniitu kamu ra'ica masalé' kumiit in ukum i Amang Kasuruan itu, taan imamualio akim si mengaséa' in ukum itu.

1 Petrus 2:9

Taan kamu anio' bangsa sé sinisiro i Amang Kasuruan, imam sé maselewir a si Amang Kasuruan si Colanota, bangsa sé line'nas-Nao wo ka'i mamuali anu-Na. Kamu im baya imamuali tanu siitu wosama' ro'na ipakua-kua miow a sé tou andumoro' sé kakaya'kaan sé niéma'o i Amang Kasuruan. Siao en tumowa icamu kumesot ang kariréimbengan wo muntep asi sendot-Na wangko'.