Yakobus 2:5 - En Taar Weru a nunuwu' é Tontemboan

⁵ Poo-poow sé icaupusku! Lingano mai en icuaku anio': Sinisiro i Amang Kasuruan sé tou sé paweroten ing kayo'baan anio' lengéi, wosama' séra masiya' am paémanen éra wo makaanu im bagéan ang kakolanoan-Na tanu si aijanji-Nao a sé pakasa in tou sé mengaupus Sia.

Yakobus 2:5 ပူးပေါင်းရင်းမြစ်များ

Matius 11:5

Si tou wola maséréo, si tou késo' mawaya'o, si tou sumakit kusta masama'o, si tou wengel malingao, si tou imatéo tinou sumawel, wo en Abar Kaaruien i Amang Kasuruan ipakua-kuao a sé tou lengéi.

Matius 25:34

Wo si Toyaang i Tou si tanu Kolano itu kumua oka a sé tou ang kakan-Na, ‘Mayo sumusuto mai kamu sé kinamango i Amang-Ku! Muntepo mai ang Kakolanoan si aitu'tulo ai camu tumo'tolai eng kayo'baan anio' niéma'.

Matius 5:3

“Pakakamangen sé tou lengéi an dior i Amang Kasuruan, ampa'paan sérao e makaanu ing Kakolanoan in Sorga.

Markus 7:14

Wo towan ka'i i Yesus sé tou keli itu wo icua-Na ai séra, “Kamu im baya, lingano mai Yaku, wo wéanio' rékén sumama-sama'.

Lukas 12:21

Tanu siituo ka'i e mamuali a sé tou sé asalo mengumu-ngumung ing kasiyaan in owakna in esa, taan ra'ica mengawéé ang karapi in lekep en até e mengaarui in até i Casuruan. Sé tou tanu siitu meputéo wo sé tou ra'ica wana sapa-sapa an dior i Amang Kasuruan.”

Lukas 12:32

“Mandé kamu wayake' im pira, taan tioo kamu maindé'! Ampa'paan si Amang iow an sorga masalé' sumungkul icamu mamuali tou ang Kakolanoan-Na.

Lukas 16:22

Wo si Lazarus itu maté wo sia iwali mangé é malaékat lumukut an diit i Abraham an sorga. Si tou siya' itu ka'i maté wo sia cubur é tou.

Lukas 16:25

Taan icua i Abraham, ‘Éi toyaangku, ta'néieno mangé sumama-sama', an tutuw ko menonoué', ico imakéréo waya sé loor taan karu' si Lazarus makéréke' waya sé ra'ica loor. Intarépé' sia makéréo im pangiboran am bia'i wo ico mawendu keli.

Lukas 22:29

Ampa'paan in ituo, wéan-Ku oka hak kamu eng kumawasa tanu kolano, meputé si Amang-Ku iméé hak a Yaku eng kumawasa tanu Kolano.

Lukas 6:20

Wo sérén i Yesus sé murit-Na wo kumua, “Pakakamangen kamu sé tou lengéi, ampa'paan icamuo e makaanu ing Kakolanoan i Amang Kasuruan.

Yohanes 7:48

Awéan réén esaan asé kikiiten é agama Yahudi kuma'pa tou Farisi si mercaya ai Sia?

Kisah Para Rasul 7:2

Wo isowat i Stefanus, “Éi poo-poow wo tuang-tuang, linganai en icuaku. Indior, si apo'ta Abraham an tutuw sia ra'ipé' maento' an Haran, sia maento' a Mesopotamia. Am bitu, si Amang Kasuruan si parayo-rayo wo pasiri-siriin mapaturu' in owak-Na ai sia,

Roma 8:17

Wo sa kita toya-toyaang i Amang Kasuruan, kita awéan hak e makéré im bagéan asé im pakasa sé aitu'tulo i Amang Kasuruan torona é toyaang-Na. Wo terimanta oka en itu mewali-wali wo si Kristus. Wo sa kita mawendu meputé in sinangkumai i Kristus, kita ka'i tumerima oka i rarayo wo in sisiri' kaputé i Kristus.

1 Korintus 2:9

Ang Kitap Le'nas awéan aipatic in tana'i, “Sapa sé ra'ipé' sumangkum ako sinéré é tou, sé ra'ipé' sumangkum ako lininga, sé ra'ipé' sumangkum ako lumembo mai an até, siituo en tinu'tul i Amang Kasuruan a sé tou mengaupus Sia.”

2 Korintus 4:15

Icami mendamo mai waya ing kawenduan itu asaloke' ing kalooran iow. Icami talesen masaru ing kawenduan itu wosama' en upus aitambér i Amang Kasuruan makakeli en tou imendam. Wo in taniitu makakelio sé tou makua i makapulu'sama' a si Amang Kasuruan, akar Sia iparayo-rayo wo pasiri-siriin.

2 Korintus 6:10

Mandé en até ami wendu, taan kami mengaru-ngarui. Kami kaséréan lengéi, taan keliano sé tou niéma' ami imasiya'. Kami anio' kaséréan ra'ica makaanu in sapa-sapa, taan en ulitna kami makaanuo im baya-waya.

2 Korintus 8:9

Ampa'paan kailekano miow en upus aitambér i Apo'ta Yesus Kristus ai camu: Mandé ka'i Sia siya', taan torona ing kapentingan iow, niéma'-Na en owak-Na malengéi, wosama' kamu masiya'.

Efesus 1:18

Isombayangku ka'i wosama' wukaan-Na mai en até miow akar kakailekan iow em paarapen si aiwéé-Na an tutuw iow tinowa-Na, wo akar kakailekan iow taloso wangko' eng kasiyaan im bagéan sé aitu'tul-Nao a sé tou le'nas.

Efesus 3:8

An uner im pakasa é tou le'nas, yakuo si wawa' keli, taan ampa'paan in upus aitambérai itu, yaku sinisiro eng kumua a sé tou ra'ica Yahudi andumoro' ing kawangko' i Kristus si ra'io ka'i cakua,

1 Tesalonika 2:12

Wo pangileken ami ai camu wosama' menonou angé makiit ing kasalé'an i Amang Kasuruan. Siao en itumowa icamu e muntep ang Kakolanoan-Na wo makéré i rarayo wo in sisiri'-Na.

2 Tesalonika 1:5

Pakasa en itu mamuali tuus si Amang Kasuruan makim sé tou ang kerapi in da'ica marapit. Kamu intarépé' niokoio ampa'paan ing Kakolanoan i Amang Kasuruan wo ampa'paano in itu kamu ka'i patus muntep ang Kakolanoan-Na.

1 Timotius 6:18

Ipokéi angé a sé tou siya' wosama' séra maéma' sé loor. Séra musti masalé' mengatambér, masalé' mengawéténg ing kasiyaan éra a sé tou walina.

2 Timotius 4:18

Iwekar-Na oka ka'i aku asé tou sé mawasa-wasa in léwo' e méma' yaku icawangkur. Lowiren-Na oka ka'i aku akar muntep an sorga, asi tampa Sia Makakawasa tanu Kolano. Siao em patus iparayo-rayo wo pasiri-siriin akar ing kauré-uré! Ulit.

2 Timotius 4:8

Yaku, aitu'tulo i Casuruan mahkota ampa'paan aku mengaéma' im butul an dior-Na. E mahkota itu iwéé-Na oka a yaku asi endo Sia mai makim pakasa in tou. E mahkota itu ra'ica yakuke' e ro'na makéré, taan teriman oka ka'i é pakasa in tou sé mengento-ento' Sia maai sumawel ang kayo'baan. Si Casuruanta anio' ulit Akim si ra'ica marapit.

Ibrani 11:26

Si Musa kumélong en tumerima im pakasa ing kasiyaan a Mesir, wo en lébé icasalé'na iséro' ampa'paano im paémanenna a si Kristus si maai sa. Ampa'paan si Musa maarap in laasa iwéé oka i Amang Kasuruan ai sia.

Yakobus 1:12

Pakakamangeno sé tou talesen masaru im pangepé'an wo kasake' maéman a si Amang Kasuruan, ampa'paan kéréanna oka e mahkota ing katouan akar ing kauré-uré si aijanji-Nao a sé tou sé mengaupus ai Sia.

Yakobus 1:16

Poo-poow sé icaupusku! Tioo kamu icasélé'kow.

Yakobus 1:19

Poo-poow sé icaupusku! Musti ta'néien iow in andumoro' sé anio': Sa awéan tou ang karoro'an imaroma' lingan owo em pakuana. Tioo taporak manuwu' wo tioo taporak mae'bow.

Yakobus 1:9

Si poow lengéi esa paémanen a si Yesus, sia itu musti tumirayo sa sia irangka' i Casuruan.

1 Petrus 1:4

Kita maarap makéré oka bagéan si aitu'tulo i Amang Kasuruan a sé tou-Na. Em bagéan ituo sé kamang ipakaéma' i Amang Kasuruan a mangé en sorga. Wo sé kamang itu ra'ica mengaléwo', ra'ica mengawuruk wo ra'ica mawalina.

2 Petrus 1:11

Wo in taniitu kamu wéan-Na oka kaloasan e muntep ang kakolanoan akar ing kauré-uré, siituo eng kakolanoan i Apo' Yesus Kristus wo Lumolowirta.

Wahyu 2:9

Kailekan-Ku eng kasusaan iow wo eng kalengéian iow, taan am beren i Casuruan kamu siya'. Kailekan-Ku ka'i e ngaran iow pengawuruken é tou sé mangaku séra tou Yahudi. Taan en ulitna séra ra'ica tou i Amang Kasuruan taan séra itu jamaat i kikiiten é sétang.

Wahyu 21:7

Si séi e muntung, kéréanna oka waya en anio'. Wo Yaku mamuali oka Amang Kasuruanna, wo sia mamuali oka toyaang-Ku.

Wahyu 3:18

Ampa'paan in ituo, sina'uen-Ku kamu en tumeles mas a Yaku, si matuléno in api, wosama' kamu masiya'. Tumeleso karai kulo' a Yaku wosama' pakén iow wo ra'ica malawi' sérén é tou metangkol. Wo tumeleso solo eng kisu am beren wosama' kamu ro'na suméré.