Yakobus 2:25 - En Taar Weru a nunuwu' é Tontemboan

²⁵ Séréno ka'i si Rahab, si wéwéné sundal. Sia itu nianggap wutul i Casuruan ampa'paan im paémaanna. An tutuw itu tinerimana wo ayenepna am baléna sé tou Israel sé mawere-weren, wo iwalina séra kumesot kumiit an lalan walina.

Yakobus 2:25 ပူးပေါင်းရင်းမြစ်များ

Matius 1:5

Si Salmon makatoyaang asi penanaanna Rahab ngaranna Boas. Wo si Boas makatoyaang asi penanaanna Rut si ningaranan Obed. Si Obed makatoyaang ngaranna Isai.

Matius 21:31

Anaé, sa iciit icamu, si séi ai séra in dua e méma' ing kasalé'- an i amang éra?” Isowat éra, “Si toyaang luluna.” Wo icua i Yesus ai séra, “En ulitna icua-Ku mangé ai camu, sé matagi im pajak wo sé wéwéné sundal en dior muntep ang Kakolanoan i Amang Kasuruan wo icamu.

Kisah Para Rasul 17:7

wo séra tinerima i Yason e mento' am baléna. Pakasa en atoran-atoran i Kaisar Roma ipakélong éra wo makua sapaoka awéan kolano walina si makangaran i Yesus.”

Ibrani 11:31

Ampa'paan si Rahab si wéwéné sundal itu awéan paémanen, sia ra'ica mekiit pinaté kaputé é tou ang kotana sé ra'ica le'tek a si Amang Kasuruan, ampa'paan sinungkulna am baléna kerapi in elur sé mawere-weren é Israel.

Yakobus 2:18

Taan awéan wona' tou makua, “Ico awéan em paémanen, taan aku awéan em pengaémaan.” Taan icuaku oka ai sia, “Tambisa réén ko ro'na tumuru' im paémanenmu sa ra'ica maéma' im butul a sé tou walina? Ituru'ku oka em paémanenku ang karapi maéma' im butul.”

Yakobus 2:22

Ro'nao kailekan iow sapaoka sia maéman wo ka'i pengaémaanna si airu'du' i Casuruan ai sia, wo in taniitu em paémanenna a si Casuruan makaleke-lekep.

Yakobus 2:24

Anaé, sérén iow sapaoka sé tou paanggapen wutul i Casuruan en itu ra'ica asaloke' i maéman taan ka'i ampa'paan im pengaémaan.