Yakobus 2:21 - En Taar Weru a nunuwu' é Tontemboan

²¹ Séréno si apo'ta Abraham. Aisarakanna si toyaangna Ishak tanu raragés am bawo im paragésan, ampa'paan si niéma' i Abraham itu, akar sia nianggap wutul i Amang Kasuruan.

Yakobus 2:21 ပူးပေါင်းရင်းမြစ်များ

Matius 12:37

Ampa'paan e nunuwu' miow in esao em pakén oka en tumantu sa kamu wutul kuma'pa makéré in ukuman.

Matius 3:9

Tioo kamu mawasa ro'na icawekar an ukuman ampa'paan kamu taranak i Abraham. Icuaku mangé ai camu, sé watu anio' ro'na émaan i Amang Kasuruan mamuali taranak i Abraham.

Lukas 1:73

Si Amang Kasuruan in esa eng kumua in sumpa itu a si Abraham, amang é apo-apo'ta,

Lukas 16:24

Wo si tou siya' itu maangko' mangé icuana, ‘Amang Abraham, icaupusai aku. Wenduo keli aku an untep in api anio', anaé ru'du'o si Lazarus tumo'to' in tempok im bua'na ing kamana an dano wo mai rumames in lila'ku.’

Lukas 16:30

Wo isowat i tou siya' itu, ‘Ra'ica awes é amang Abraham. Taan sa awéan tou tumou sumawel am papaté wo mangéna pokéian séra, tantu séra mape'dis oka ang kamesé-meséaan.’

Yohanes 8:39

Isowat éra ai Sia, “Kami taranak i Abraham.” Icua i Yesus ai séra, “Sa kamu anio' wutul taranak i Abraham, tantuo em pengaémaan iow loor kaputé i Abraham.

Yohanes 8:53

Tambisa réén Ko kumua in taniitu? Ico réén en lébé wangko' mai wo si apo' ami Abraham? Sia imatéo, wo sé nabi ka'i matéo. Sa kumiit Ico si séi réén Ko?”

Kisah Para Rasul 7:2

Wo isowat i Stefanus, “Éi poo-poow wo tuang-tuang, linganai en icuaku. Indior, si apo'ta Abraham an tutuw sia ra'ipé' maento' an Haran, sia maento' a Mesopotamia. Am bitu, si Amang Kasuruan si parayo-rayo wo pasiri-siriin mapaturu' in owak-Na ai sia,

Roma 3:20

Ampa'paan ra'ica wana tou mandé esake' sé nianggap wutul an dior i Amang Kasuruan ampa'paan mengaéma' in ukum Torat. Taan, ampa'paano taré in ukum Torat ituo sé tou makailek ing kamesé-meséaan.

Roma 4:1

Anaé, kita ro'na kumua andumoro' i Abraham si apo'ta tou Yahudi tumambisa réén sia nianggap wutul i Amang Kasuruan?

Roma 4:12

Si Abraham ka'i mamuali amang é tou sé sinunato. Sia imamuali amang éra ra'ica ampa'paan séra mengakiit in atoran-atoran sunat, taan ampa'paan séra maéman a si Amang Kasuruan, meputé si Abraham imaémano an tutuw sia ra'ipé' sinunat.

Roma 4:16

Anaé, en janji i Amang Kasuruan itu, iwéé-Na ampa'paan sé tou maéman ai Sia. Itambér-Na en itu ampa'paan ing kaupusan-Na wosama' pakasa sé taranak i Abraham makéré in janji itu. Wo en janji itu ra'ica toronake' é tou Yahudi sé menonou makiit in ukum Torat, taan ka'i torona im pakasa sé tou maéman a si Amang Kasuruan, meputé si Abraham maéman ai Sia. Ampa'paan in ituo si Abraham mamuali amangta im pakasa é tou maéman.

Ibrani 11:17

Ampa'paan si Abraham awéan paémanen, airagésna si toyaangna Ishak tanu raragés an tutuw sia niuji i Amang Kasuruan. Iragés i Abraham si toyaangna in esa itu, mandé ka'i tinerimanao en janji-janji i Amang Kasuruan,

Yakobus 2:18

Taan awéan wona' tou makua, “Ico awéan em paémanen, taan aku awéan em pengaémaan.” Taan icuaku oka ai sia, “Tambisa réén ko ro'na tumuru' im paémanenmu sa ra'ica maéma' im butul a sé tou walina? Ituru'ku oka em paémanenku ang karapi maéma' im butul.”

Yakobus 2:24

Anaé, sérén iow sapaoka sé tou paanggapen wutul i Casuruan en itu ra'ica asaloke' i maéman taan ka'i ampa'paan im pengaémaan.