Yakobus 2:16 - En Taar Weru a nunuwu' é Tontemboan

¹⁶ Wo icua miowke' ai sia, “Mangéo in sama', makéo mio' ing karai' kura'ber wosama' ko ra'ica kautingan, wo ka'i kumano mio' akar imawesu wosama' ko ra'ica kaareman”. En aicua miow itu ra'ica wana torona sa ra'ica winéan iow em paperlunna.

Yakobus 2:16 ပူးပေါင်းရင်းမြစ်များ

Matius 15:32

Wo towan i Yesus sé murit-Na wo kumua, “En até-Ku mendam ing kaupusan a sé tou keli anio'. Ampa'paan teluo ngando séra mengii-ngiit Yaku wo séra ra'io wana kakanen. Ra'ica kiim-Ku rumu'du' séra maréng ang karapi i maarem, oréoka séra awéan e mapusing an lalan.”

Matius 25:35

Ampa'paan an tutuw-Ku i maarem, winéan iow kanen Aku, an tutuw-Ku maré'om, winéan iow elepen Aku. An tutuw-Ku tanu sakéi an doong iow, tinowa miow Aku tumuli am balé miow.

Matius 25:36

An tutuw-Ku ra'ica mekarai, winéan iow karai Aku, an tutuw-Ku sumakit, pakatéiran iow Aku. An tutuw-Ku an untep im bui, pengasérén iow Aku.’

Markus 5:34

Wo icua i Yesus a si wéwéné itu, “Éi toyaang-Ku, ampa'paan ko maéman a Yaku, asi oras anio' ko masama'o. Mangém ang karapi in elur, en sakitmu wutu-wutul masama'o!”

Roma 12:9

Mengaupus angé sé kakélé tou ang karapi in lekep en até. Tumayango mangé ang kaléwo-léwo'an, wo mengéma-ngéma'o mangé sé loor.

2 Korintus 8:8

Sé ipakuaku andumoro' in doit ipatawang itu, ra'ica esa perénta ai camu. Taan en icasalé'ku kakailekan iow tambisa eng kaincayaan é tou walina en tumawang sé kakéléna, akar kamu ka'i kumiit tumawang iséra. Wo in taniitu icasalé'ku suméré sapaoka kamu uli-ulit mengaupus sé tou walina.