Yakobus 2:13 - En Taar Weru a nunuwu' é Tontemboan

¹³ Sa an témponao si Casuruan mai makim sé tou, Sia ra'ica kawisa tumuru' ing kaupusan a sé tou sé ra'ica wana kaupusan a sé tou walina. Taan sé tou mengaupus sé tou walina, séra ra'ica makéré in ukumen asi endo pengaakiman.

Yakobus 2:13 ပူးပေါင်းရင်းမြစ်များ

Matius 5:7

Pakakamangen sé tou awéan kaupusan, ampa'paan séra makéré oka ing kaupusan.

Matius 6:15

Taan sa kamu ra'ica mengaampung sé tou mengaéma' ing kaséaan ai camu, si Amang iow an sorga ka'i ra'ica kawisa méé ing kaampungan ang kaséaan iow.”

Lukas 16:25

Taan icua i Abraham, ‘Éi toyaangku, ta'néieno mangé sumama-sama', an tutuw ko menonoué', ico imakéréo waya sé loor taan karu' si Lazarus makéréke' waya sé ra'ica loor. Intarépé' sia makéréo im pangiboran am bia'i wo ico mawendu keli.

Lukas 6:37

“Tioo kamu mengaakim sé tou walina wosama' kamu ra'- ica akimen. Wo tioo kamu mengaukum sé tou walina, wosama' kamu ra'ica ukumen i Amang Kasuruan. Wéanio' kaampungan a sé tou walina wosama' kamu ampungan i Amang Kasuruan.

Yakobus 3:17

Taan si tou awéan kapinteran asi Amang Kasuruan owo itu, tana'i: Kataré sia menonou ang karapi in até weresi wo masalé' meelu-eluran wo sé tou, sama' a sé tou, téés, wuta ing kaupusan a sé tou wo mengéma-ngéma' andumoro' sé loor, ra'ica marapit wo ra'ica punek.

Yakobus 5:4

Ra'ica winéran iow sé tou matawoi maupu' an uma miow. Séra mapatawa-tawango wo em pinangimbulu éra itu kinalingaano i Casuruan si Makakawasa.